‘യേശു’ സമനില പിടിച്ചു, ഹെന്ററിക് വിജയഗോള്‍ സമ്മാനിച്ചു; ചിലിയെ തുരത്തി ബ്രസീല്‍


മത്സരം തുടങ്ങി രണ്ടാം മിനിറ്റില്‍ തന്നെ ലക്ഷ്യം കണ്ടിട്ടും പരാജയമേറ്റുവാങ്ങി ചിലി. ലോക കപ്പ് യോഗ്യതക്കായി മുന്‍ലോക ചാമ്പ്യമാരായ ബ്രസീലും ചിലിയും തമ്മില്‍ നടന്ന മത്സരത്തില്‍ രണ്ട് ഗോളിന്റെ ആധികാരിക വിജയത്തോടെ ബ്രസീല്‍ തിരിച്ചുവരവിന്റെ പാതയില്‍. മത്സരം തുടങ്ങി രണ്ടാംമിനിറ്റില്‍ തന്നെ ലക്ഷ്യം കണ്ട ചിലി ബ്രസീലിനെ അക്ഷരാര്‍ഥത്തില്‍ ഞെട്ടിച്ചു. സ്റ്റാര്‍ സ്‌ട്രൈക്കര്‍ എഡ്വര്‍ഡോ വര്‍ഗാസിന്റെ വകയായിരുന്നു ഗോള്‍. ബ്രസീല്‍ ഗോള്‍മുഖത്തേക്ക് ചിലി പ്രതിരോധനിര താരം ഫെലിപ് ലയോളയുടെ ആദ്യ ക്രോസ്. രണ്ടാം പോസ്റ്റില്‍ നിന്ന് തെല്ല് മാറി നിന്ന വര്‍ഗാസ് സുന്ദരമായ ഹെഡ്ഡറിലൂടെ പന്ത് വലയിലെത്തിച്ചു. ഈ സമയം ബ്രസീലിയന്‍ കീപ്പര്‍ എഡേഴ്‌സന്‍ മോറസ് കാഴ്ച്ചക്കാരന്‍ മാത്രമായിരുന്നു. 13-ാം മിനിറ്റില്‍ ഡാരിയോ ഒസോറിയോ തൊടുത്ത ഗോളെന്നുറപ്പിച്ച ലോങ് റേഞ്ചര്‍ ഇടതുപോസ്റ്റിനെ തൊട്ടുരുമി കടന്നുപോയി. 15-ാം മിനിറ്റില്‍ ബ്രസീല്‍ മുന്നേറ്റം. ചിലിയുടെ ബോക്‌സിനുളളിലേക്ക് കടന്ന റോഡ്രിഗോ സില്‍വ എടുത്ത ഷോട്ട് പ്രതിരോധ താരത്തിന്റെ ദേഹത്ത് തട്ടി പുറത്തേക്ക് പോയി. ബ്രസീലിന്റെ ആദ്യ കോര്‍ണര്‍ കിക്ക് റാഫിഞ്ഞ എടുത്തെങ്കിലും ചിലി കീപ്പര്‍ ബ്രയാന്‍ കോര്‍ട്ടസ് പിടിച്ചെടുത്തു. 25-ാം മിനിറ്റില്‍ കളിയുടെ നിയന്ത്രണം ബ്രസീല്‍ പിടിച്ചെടുക്കുന്ന കാഴ്ച്ച. ബ്രസീല്‍ ഏതാനും മികച്ച പാസുകളാല്‍ ചിലിയന്‍ ഗോള്‍മുഖത്ത് ബില്‍ഡ് അപിനുള്ള ശ്രമമായിരുനനു. ചിലിയുടെ പ്രതിരോധം പക്ഷേ ശക്തമായി പ്രതിരോധിച്ചു.

രണ്ടാം പകുതി തുടങ്ങി ആദ്യമുന്നേറ്റം ബ്രസീല്‍ ഭാഗത്ത് നിന്നായിരുന്നു. രണ്ട് മാറ്റങ്ങളോടെയാണ് ബ്രസീല്‍ രണ്ടാം പകുതിയിലിറങ്ങിയത്. ആന്ദ്രേക്ക് പകരം ബ്രൂണോ ഗ്വിമാരസും പാക്വെറ്റയക്ക് പകരമായി ഗര്‍സണും വന്നു. രണ്ടാം പകുതിയിലുടനീളം ബ്രസീലിന്റെ ആധിപത്യത്തില്‍ ചിലി ഒതുങ്ങി പോകുന്ന കാഴ്ച്ചയാണ് കണ്ടത്. റോഡ്രിഗോ, റാഫിഞ്ഞ, സാവിന്‍ഞോ തുടങ്ങിയവരിലൂടെ ബ്രസീല്‍ വിജയഗോള്‍ കണ്ടെത്താനുള്ള തീവ്രശ്രമത്തിലായിരുന്നു. പോരാട്ടത്തിനൊടുവില്‍ കളി തീരാന്‍ മിനിറ്റുകള്‍ മാത്രം ശേഷിക്കെ ബ്രസീല്‍ വിജയഗോള്‍ നേടി. 89-ാം മിനിറ്റില്‍ ലൂയീസ് ഹെന്റ്‌റികിന്റെ വകയായിരുന്നു മത്സരത്തിന്റെ ഗതി നിര്‍ണയിക്കാന്‍ പോന്ന ഗോള്‍. ചിലി ബോക്സിനുള്ളില്‍ നിന്ന് ലൂയിസ് ഹെന്റിക് തൊടുത്ത ഇടങ്കാല്‍ ഷോട്ട് ചിലിയന്‍ ഗോള്‍ പോസ്റ്റിന്റെ താഴെ ഇടത് മൂലയില്‍ വല തൊട്ടതോടെ മത്സരം കൈവിട്ട നിരാശ ചിലി താരങ്ങള്‍ക്കുണ്ടായിരുന്നു.

Related Posts

അതിതീവ്ര മഴ തുടരും; മൂന്ന് ജില്ലകളിൽ ഇന്ന് റെഡ് അലേർട്ട്, വിവിധ ജില്ലകളിലെ സ്കൂളുകൾക്ക് അവധി
  • July 18, 2025

സംസ്ഥാനത്ത് അതിതീവ്ര മഴ തുടരാൻ സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്.മധ്യ കേരളത്തിലും വടക്കൻ കേരളത്തിലും മലയോര മേഖലകളിലും കനത്ത മഴയ്ക്ക് സാധ്യതയുണ്ട്. വയനാട്, കണ്ണൂർ, കാസർഗോഡ് ജില്ലകളിൽ റെഡ് അലർട്ട് പ്രഖ്യാപിച്ചു. ഇടുക്കി, മലപ്പുറം, കോഴിക്കോട് ജില്ലകളിൽ ഓറഞ്ച് അലർട്ടും…

Continue reading
ഉമ്മൻചാണ്ടി അനുസ്മരണം; സ്മൃതി സംഗമം രാഹുൽ ​ഗാന്ധി ഉദ്ഘാടനം ചെയ്യും, 12 വീടുകളുടെ താക്കോൽദാനം നടക്കും
  • July 18, 2025

ഉമ്മൻ ചാണ്ടി അനുസ്മരണ സമ്മേളനത്തിൽ പങ്കെടുക്കാൻ ലോക്സഭ പ്രതിപക്ഷ നേതാവ് രാഹുൽ ഗാന്ധി കേരളത്തിലെത്തി. കെപിസിസിയുടെ നേതൃത്വത്തിൽ പുതുപ്പള്ളിയിൽ വിപുലമായ അനുസ്മരണ പരിപാടികളാണ് ഒരുക്കിയിരിക്കുന്നത്. രാവിലെ പത്ത് മണിക്ക് തുടങ്ങുന്ന ഉമ്മൻചാണ്ടി സ്മ‍‍ൃതി സംഗമം രാഹുൽ ഗാന്ധി ഉദ്ഘാടനം ചെയ്യും. ഇന്നലെ…

Continue reading

Leave a Reply

Your email address will not be published. Required fields are marked *

You Missed

ചേരപ്പെരുമാളായ കോതരവിയുടെ ശിലാലിഖിതം കണ്ടെത്തി

ചേരപ്പെരുമാളായ കോതരവിയുടെ ശിലാലിഖിതം കണ്ടെത്തി

ഉമ്മൻ ചാണ്ടി എൻ്റെ ഗുരു, RSSനെയും CPIMനെയും ആശയപരമായി എതിർക്കുന്നു, അവർ ജനങ്ങൾക്ക് വേണ്ടി ഒന്നും ചെയ്യുന്നില്ല; രാഹുൽ ഗാന്ധി

ഉമ്മൻ ചാണ്ടി എൻ്റെ ഗുരു, RSSനെയും CPIMനെയും ആശയപരമായി എതിർക്കുന്നു, അവർ ജനങ്ങൾക്ക് വേണ്ടി ഒന്നും ചെയ്യുന്നില്ല; രാഹുൽ ഗാന്ധി

ന്യൂമോണിയ ബാധിച്ച് ഭിന്നശേഷിക്കാരിയായ പെൺകുട്ടി മരിച്ചു: കോഴിക്കോട് മെഡിക്കൽ കോളജിൽ ചികിത്സ നിഷേധിച്ചതായി പരാതി

ന്യൂമോണിയ ബാധിച്ച് ഭിന്നശേഷിക്കാരിയായ പെൺകുട്ടി മരിച്ചു: കോഴിക്കോട് മെഡിക്കൽ കോളജിൽ ചികിത്സ നിഷേധിച്ചതായി പരാതി

എഡിഎം നവീന്‍ ബാബുവിന്റെ ആത്മഹത്യ: മൊഴികള്‍ പി.പി ദിവ്യക്ക് അനുകൂലം

എഡിഎം നവീന്‍ ബാബുവിന്റെ ആത്മഹത്യ: മൊഴികള്‍ പി.പി ദിവ്യക്ക് അനുകൂലം

‘മതപരമായ ചടങ്ങുകൾക്കല്ല, ആനകളുടെ ആരോഗ്യത്തിനാണ് മുൻഗണന’; ശ്രദ്ധേയ ഉത്തരവവുമായി ബോംബെ ഹൈക്കോടതി

‘മതപരമായ ചടങ്ങുകൾക്കല്ല, ആനകളുടെ ആരോഗ്യത്തിനാണ് മുൻഗണന’; ശ്രദ്ധേയ ഉത്തരവവുമായി ബോംബെ ഹൈക്കോടതി

അതിതീവ്ര മഴ തുടരും; മൂന്ന് ജില്ലകളിൽ ഇന്ന് റെഡ് അലേർട്ട്, വിവിധ ജില്ലകളിലെ സ്കൂളുകൾക്ക് അവധി

അതിതീവ്ര മഴ തുടരും; മൂന്ന് ജില്ലകളിൽ ഇന്ന് റെഡ് അലേർട്ട്, വിവിധ ജില്ലകളിലെ സ്കൂളുകൾക്ക് അവധി