തിരുവനന്തപുരം കാട്ടാക്കട കെഎസ്ആര്ടിസി ഡിപ്പോയില് മാനസിക വെല്ലുവിളി നേരിടുന്ന സ്ത്രീയെ പീഡിപ്പിച്ച സംഭവത്തില്, കേസെടുത്ത് പൊലീസ്. സ്ത്രീയുടെ മൊഴിയുടെ അടിസ്ഥാനത്തില് ലൈംഗികാതിക്രമത്തിനാണ് കേസ്. ഒളിവില് പോയ പ്രതി ബ്രൂസ്ലി ഷിബുവിനെ ഇത് വരെ കണ്ടെത്താനായില്ല. ഇതിനിടെ ഡിപ്പോയിലെ സിസിടിവി ദൃശ്യം ചോര്ന്നതില് കെഎസ്ആര്ടിസി ആഭ്യന്തര അന്വേഷണം ആരംഭിച്ചു.
ഷെല്റ്റര് ഹോമിലേക്ക് മാറ്റിയ സ്ത്രീയെ മനോരോഗ വിദഗ്ധന്റെ സാന്നിധ്യത്തിലാണ് മൊഴി എടുത്തത്. ഞായറാഴ്ച രാവിലെ വൈദ്യ പരിശോധനയ്ക്കും കൗണ്സിലിങ്ങിന് ഇവരെ വിധേയമാക്കി മൊഴിയും രേഖപ്പെടുത്തുകയായിരുന്നു.
പ്രതിക്കായി പൊലീസ് തിരച്ചില് തുടരുകയാണ്. കഴിഞ്ഞദിവസം രാത്രി ഒന്നരയോടെയാണ് കാട്ടാക്കട കെഎസ്ആര്ടിസി ഡിപ്പോയില് ഉറങ്ങുകയായിരുന്ന മാനസിക വെല്ലുവിളി നേരിടുന്ന സ്ത്രീക്ക് നേരെയാണ് ലൈംഗിക അതിക്രമം ഉണ്ടായത്. സ്റ്റേഷന് മാസ്റ്ററുടെ ഓഫീസിന് സമീപം ഉണ്ടായ സംഭവം ജീവനക്കാര് കാട്ടാക്കട പൊലീസിന് അറിയിച്ചതിനെ തുടര്ന്ന് കേസെടുത്ത പൊലീസ് പ്രതിക്കായുള്ള അന്വേഷണം ഇപ്പോഴും തുടരുകയാണ്. എന്നാല് അതിക്രമത്തിനിരയായസ്ത്രീയെ കണ്ടെത്തിയ പോലീസ് ഷെല്ട്ടര് ഹോമിലേക്ക് മാറ്റി.
