നീറ്റ് പരീക്ഷ റദ്ദാക്കിയതിനെ തുടർന്ന് ആത്മഹത്യ ചെയ്ത കാസർഗോഡ് സ്വദേശി ഐജ ആർ മഹേഷിന്റെ സഹോദരൻ മരിച്ച നിലയിൽ. ഇന്ന് ഉച്ചയോടെയാണ് തച്ചങ്ങാട് മുക്കൂടിലെ അർജുൻ മഹേഷിനെ (24) ലോഡ്ജ് മുറിയിലാണ് മരിച്ച നിലയിൽ കണ്ടെത്തിയത്. മംഗളൂരുവിലെ ലോഡ്ജിലാണ് ഇയാളെ മരിച്ചനിലയിൽ കണ്ടെത്തിയത്. ഇന്നലെയാണ് അർജുൻ ഗൾഫിൽ നിന്നും നാട്ടിലേക്ക് എത്തിയത്. വിമാനത്താവളത്തിനടുത്തുള്ള മുറിയിൽ താമസിക്കവെയാണ് സംഭവം.
മെയ് മൂന്നിന് നടന്ന നീറ്റ് പരീക്ഷ റദ്ദാക്കായതിലെ മനോവിഷമത്താലാണ് ഐജ ഹോസ്റ്റൽമുറിയിൽ ഫാനിൽ തൂങ്ങിയ നിലയിൽ കണ്ടെത്തുന്നത്. നീറ്റ് പരീക്ഷ റദ്ദാക്കിയതിനെ തുടർന്നുണ്ടായ മാനസിക സംഘർഷം താങ്ങാനാവാതെ രാജ്യത്ത് 17 കുട്ടികളാണ് ഇതിനകം ജീവനൊടുക്കിയത്.
