സംസ്ഥാനത്ത് കെ എ എസ് റാങ്ക് ലിസ്റ്റിൽ നിന്ന് നിയമനം നടക്കുന്നില്ലെന്ന് പരാതി. റാങ്ക് ലിസ്റ്റിന്റെ കാലാവധി കഴിയാൻ ഇനി അഞ്ചു മാസം മാത്രം ബാക്കിനിൽക്കെ ഒന്നാം റാങ്കുകാരന് പോലും നിയമനമായില്ല. റാങ്ക് ലിസ്റ്റ് പ്രസിദ്ധീകരിച്ച് ഏഴുമാസമായിട്ടും ഒന്നാം റാങ്കുകാരന് പോലും നിയമനമായില്ല. പഠിച്ച് പരീക്ഷയെഴുതിയത് എന്തിനെന്ന വിമർശനമാണ് റാങ്ക് ഹോൾഡേഴ്സ് ഉന്നയിക്കുന്നത്. നാട്ടിലും വീട്ടിലും നുണ പറയേണ്ട സാഹചര്യം എന്ന് ഒന്നാം റാങ്കുകാരൻ ദേവദർശൻ ട്വന്റിഫോറിനോട് പ്രതികരിച്ചു.
തുടർ പരീക്ഷകൾക്കു മാനസികമായ ബുദ്ധിമുട്ടുണ്ടെന്നും ദേവദർശൻ പറഞ്ഞു. 2026 ജനുവരി 30നാണ് കെ എ എസ് റാങ്ക് ലിസ്റ്റ് നിലവിൽ വന്നത്.പി എസ് സി നോട്ടിഫിക്കേഷൻ പ്രകാരം 31 തസ്തികകളിലേക്കാണ് നിയമനം നടക്കേണ്ടത്. കെഎഎസ് പരീക്ഷയിൽ പോലും അട്ടിമറി നടന്നുവെന്ന പരാതി ഉയരുന്നതിനിടെയാണ് നിയമനം നടന്നിട്ടില്ലെന്ന പരാതിയും ഉയർന്നത്. നിയമനം നടക്കാത്തത് സംബന്ധിച്ച് സർക്കാരിൽ നിന്ന് വിശദീകരണം ലഭിച്ചിട്ടില്ല.
