ആലപ്പുഴ ചേര്ത്തലയില് ഹോട്ടലില് ഗുണ്ടാ അക്രമണം.ആളു മാറിയുള്ള ആക്രമത്തില് നാല് പേര്ക്ക് പരിക്കേറ്റു. കാപ്പ ചുമത്തപ്പെട്ടിട്ടുള്ള സ്ഥിരം കുറ്റവാളിയാണ് ഹോട്ടലില് അതിക്രമം കാട്ടിയത്. (goonda attack in cherthala hotel)
ചേര്ത്തല സെന്റ് മേരീസ് പാലത്തിനു സമീപമുള്ള ബ്രൂഫിയ റസ്റ്ററന്റിലാണ് ഗുണ്ടാ അക്രമണമുണ്ടായത്. വാഹനത്തിന് സൈഡ് നല്കാത്തത് ചോദ്യം ചെയ്യാനാണ് ചേര്ത്തല സ്വദേശികളായ അഭിറാമും ദീപുവും ഹോട്ടലില് എത്തിയത്.ഹോട്ടലിലെ ജീവനക്കാരനാണ് വാഹനം ഓടിച്ചതെന്ന തെറ്റിധാരണയിലായിരുന്നു ആക്രമണം. പിടിച്ചുമാറ്റാനെത്തിയ ഹോട്ടലിലെ വനിതാ ജീവനക്കാരേയും ഭക്ഷണം കഴിക്കാനെത്തിയവരേയും ഉള്പ്പടെ മര്ദിച്ചു. പിന്നീടാണ് ആളു മാറിയെന്ന വിവരം അറിഞ്ഞത്.
ആലപ്പുഴ ജില്ലയിലെ വിവിധ പൊലീസ് സ്റ്റേഷനുകളിലായി പതിനേഴ് ക്രിമിനല് കേസുകളില് പ്രതിയാണ് അഭിറാം. കഴിഞ്ഞ വര്ഷം ആഗസ്റ്റില് കാപ്പ ചുമത്തി നാടുകടത്തപ്പെട്ട അഭിറാം രണ്ടു മാസം മുമ്പാണ് തിരിച്ചെത്തിയത്. പ്രതികളെ കോടതിറിമാന്ഡ്ചെയ്തു.
