സാരിയില്‍ തിളങ്ങി ‘അനുഷ്‌ക’; വെറും 2 ലക്ഷം രൂപയ്ക്ക് ഇന്ത്യന്‍ വിദ്യാര്‍ഥികള്‍ നിര്‍മിച്ച ഹ്യൂമനോയിഡ്

ഈ റോബോട്ടിനെ നിര്‍മിക്കാന്‍ വെറും രണ്ട് ലക്ഷം രൂപ മാത്രമേ ചിലവായുള്ളൂ എന്നതാണ് ഏറ്റവും പ്രധാന സവിശേഷത

നിങ്ങള്‍ ഒരു ഓഫീസിലേക്കോ ഹോട്ടലിലേക്കോ കയറിച്ചെല്ലുമ്പോള്‍ ഒരു ഹ്യൂമനോയിഡ് സ്വാഗതം ചെയ്‌താല്‍ എങ്ങനെയുണ്ടാകും? മനുഷ്യ സാദൃശ്യമുള്ള റോബോട്ടുകളായ ഹ്യൂമനോയിഡുകളുടെ കാലമാണിത്. പല വിദേശ രാജ്യങ്ങളിലും ഹ്യൂമനോയിഡുകള്‍ വലിയ പ്രചാരം നേടിക്കഴിഞ്ഞു. ഇന്ത്യയിലും ഹ്യൂമനോയിഡുകള്‍ വരും ഭാവിയില്‍ തന്നെ വലിയ പ്രചാരം നേടുമെന്ന് സൂചിപ്പിക്കുന്നതാണ് ഒരുകൂട്ടം വിദ്യാര്‍ഥികള്‍ നിര്‍മിച്ച റോബോട്ടിന്‍റെ സവിശേഷതകള്‍ വ്യക്തമാക്കുന്നത്. 

അനുഷ്‌ക എന്നാണ് ഈ ഹ്യൂമനോയിഡ് റോബോട്ടിന്‍റെ പേര് എന്ന് ദി ഇന്ത്യന്‍ എക്‌സ്പ്രസ് റിപ്പോര്‍ട്ട് ചെയ്യുന്നു. ഉത്തര്‍പ്രദേശിലുള്ള ഗാസിയാബാദിലെ കൃഷ്‌ണ ഇന്‍സ്റ്റിറ്റ്യൂട്ട് ഓഫ് എഞ്ചിനീയറിംഗ് ആന്‍ഡ് ടെക്‌നോളജിയിലെ വിദ്യാര്‍ഥികളും അധ്യാപകരും ചേര്‍ന്നാണ് ഈ ഹ്യൂമനോയിഡ് തയ്യാറാക്കിയത്. സന്ദര്‍ശകരെ സ്വാഗതം ചെയ്യുകയും ആവശ്യമായ നിര്‍ദേശങ്ങള്‍ നല്‍കുകയും ചോദ്യങ്ങള്‍ക്ക് മറുപടി പറയുകയുമാണ് റോബോട്ടിന്‍റെ പ്രധാന ദൗത്യം. സാധാരണ റോബോട്ടിക് റിസപ്ഷനിസ്റ്റുകള്‍ക്കുമപ്പുറം ആരോഗ്യ, കണ്‍സള്‍ട്ടന്‍സി മേഖലകളില്‍ ഈ റോബോട്ടുകളെ ഉപയോഗിക്കാം എന്നാണ് നിര്‍മാതാക്കള്‍ അവകാശപ്പെടുന്നത്. ഓപ്പണ്‍ എഐയുടെ അടക്കമുള്ള ആര്‍ട്ടിഫിഷ്യല്‍ ഇന്‍റലിജന്‍സ് സാങ്കേതികവിദ്യകള്‍ ഉപയോഗപ്പെടുത്തിയാണ് ഈ ഹ്യൂമനോയിഡ് നിര്‍മിച്ചിരിക്കുന്നത്.

ഈ റോബോട്ടിനെ നിര്‍മിക്കാന്‍ വെറും രണ്ട് ലക്ഷം രൂപ മാത്രമേ ചിലവായുള്ളൂ എന്നതാണ് മറ്റൊരു സവിശേഷത. സാധാരണയായി വിദേശ രാജ്യങ്ങളില്‍ ഹ്യൂമനോയിഡുകളെ നിര്‍മിക്കാന്‍ കോടികളാണ് ചിലവഴിക്കുന്നത്. അനുഷ്‌കയ്ക്കായി ചില കോംപോണന്‍റുകള്‍ സമീപത്തെ മാലിന്യ നിക്ഷേപ കേന്ദ്രത്തില്‍ നിന്നാണ് സംഘടിപ്പിച്ചത്. അത് നിര്‍മാണ ചിലവ് കുറയ്ക്കാന്‍ സഹായകമായി. എന്‍എല്‍പി സാങ്കേതികവിദ്യ വഴിയാണ് അനുഷ്‌ക ആളുകളോട് സംസാരിക്കുക. ഫേഷ്യല്‍ റെക്കഗനിഷന്‍, 30 മെഗാപിക്സല്‍ വെബ്ക്യാം, മൈക്രോഫോണ്‍ തുടങ്ങി അനവധി ഫീച്ചറുകള്‍ ഈ ഹ്യൂമനോയിഡിനുണ്ട്. അനുഷ്‌ക ഹ്യൂമനോയിഡിനെ ഭാവിയില്‍ എവിടെയെങ്കിലും വച്ച് നിങ്ങള്‍ കണ്ടുമുട്ടിയേക്കാം.

  • Related Posts

    ചരിത്രം കുറിക്കാൻ ഇന്ത്യ; സ്പേസ് ഡോക്കിംഗ് പരീക്ഷണം നാളെ
    • January 8, 2025

    ബഹിരാകാശത്ത് വച്ച് ഉപഗ്രഹങ്ങളെ കൂട്ടിയോജിപ്പിക്കുന്ന ഇന്ത്യയുടെ സ്പേസ് ഡോക്കിംഗ് പരീക്ഷണം നാളെ നടക്കും. രാവിലെ എട്ട് മണിക്കും എട്ടേമുക്കാലിനും ഇടയിൽ ആകും പരീക്ഷണം. ബെംഗളുരുവിലെ ഇസ്ട്രാക്കിൽ വച്ചാകും ഡോക്കിങ് പരീക്ഷണം നിയന്ത്രിക്കുക. ഇന്നലെ നടത്താനിരുന്ന ഡോക്കിങ് പരീക്ഷണം പേടകങ്ങൾ കൃത്യമായ അകലത്തിൽ…

    Continue reading
    അടിമുടി സംശയം; ചൈനീസ് സാങ്കേതികവിദ്യയുള്ള കാറുകള്‍ നിരോധിക്കുമെന്ന് യുഎസ്, തിരിച്ചടിച്ച് ചൈന
    • September 25, 2024

    അമേരിക്കൻ കാറുകളിൽ നിലവിൽ ചൈനീസ് അല്ലെങ്കിൽ റഷ്യ നിർമ്മിത സോഫ്‌റ്റ്‌വെയറുകളുടെ ഉപയോഗം കുറവാണ് ചൈനീസ് ഹാർഡ്‌വെയറുകളും സോഫ്റ്റ്‌വെയറുകളും ഉപയോഗിച്ച് നിർമ്മിച്ച കാറുകൾ, ട്രക്കുകൾ, ബസുകൾ എന്നിവ സുരക്ഷാ ആശങ്കയെ തുടര്‍ന്ന് നിരോധിക്കാനുള്ള തീരുമാനവുമായി യുഎസ്. ഓട്ടോണമസ് ഡ്രൈവിംഗിനും കാറുകളെ മറ്റ് നെറ്റ്‌വർക്കുകളുമായി…

    Continue reading

    You Missed

    പോട്ട ബാങ്ക് കവർച്ച കേസ്; പ്രതിയെ പൊലീസ് കസ്റ്റഡിയിൽ വിട്ടു

    പോട്ട ബാങ്ക് കവർച്ച കേസ്; പ്രതിയെ പൊലീസ് കസ്റ്റഡിയിൽ വിട്ടു

    “ഗുഡ് ബൈ ജൂൺ” സംവിധായികയാകാൻ ഒരുങ്ങി കേറ്റ് വിന്‍സ്ലെറ്റ്

    “ഗുഡ് ബൈ ജൂൺ” സംവിധായികയാകാൻ ഒരുങ്ങി കേറ്റ് വിന്‍സ്ലെറ്റ്

    ഇടുക്കി ആനയിറങ്കൽ ഡാമിൽ കുളിക്കാനിറങ്ങിയ 2 പേരെ കാണാതായി

    ഇടുക്കി ആനയിറങ്കൽ ഡാമിൽ കുളിക്കാനിറങ്ങിയ 2 പേരെ കാണാതായി

    കൂവിക്കൂവി സ്വൈര്യം കെടുത്തിയെന്ന പരാതിയില്‍ ‘പ്രതി പൂവന്‍കോഴി’; വയോധികന്റെ പരാതിയില്‍ നടപടിയെടുത്ത് ആര്‍ഡിഒ

    കൂവിക്കൂവി സ്വൈര്യം കെടുത്തിയെന്ന പരാതിയില്‍ ‘പ്രതി പൂവന്‍കോഴി’; വയോധികന്റെ പരാതിയില്‍ നടപടിയെടുത്ത് ആര്‍ഡിഒ

    മയാമി ബീച്ചിലെത്തിയ 2 ഇസ്രായേൽ ടൂറിസ്റ്റുകളെ പലസ്തീനികളെന്ന് തെറ്റിദ്ധരിച്ച് വെടിവെച്ചു; ജൂത വംശജൻ അറസ്റ്റിൽ

    മയാമി ബീച്ചിലെത്തിയ 2 ഇസ്രായേൽ ടൂറിസ്റ്റുകളെ പലസ്തീനികളെന്ന് തെറ്റിദ്ധരിച്ച് വെടിവെച്ചു; ജൂത വംശജൻ അറസ്റ്റിൽ

    ഒടുവിൽ മാർച്ച് 7 മുതൽ ‘രേഖാചിത്രം’ ഒടിടിയിലേക്ക്

    ഒടുവിൽ മാർച്ച് 7 മുതൽ ‘രേഖാചിത്രം’ ഒടിടിയിലേക്ക്