സര്ക്കാര് ജനകീയ ആരോഗ്യകേന്ദ്രത്തില് നഴ്സിന് അണലിയുടെ കടിയേറ്റു. പാലക്കാട് ചാലിശേരിയിലാണ് കഴിഞ്ഞ ദിവസമാണ് സംഭവം. എസ്റ്റേറ്റ്പടിയില് പ്രവര്ത്തിക്കുന്ന ജനകീയ ആരോഗ്യകേന്ദ്രത്തില് വച്ച് ഡ്യൂട്ടിക്കിടെയാണ് നഴ്സിന് വിഷപ്പാമ്പിന്റെ കടിയേറ്റത്. ചാവക്കാട് സ്വദേശിനി മിസിരിയയ്ക്കാണ് കടിയേറ്റത്.
കടിയേറ്റ് ഗുരുതരാവസ്ഥയിലായ ഇവരെ കുന്നംകുളം സ്വകാര്യ ആശുപത്രിയില് പ്രവേശിപ്പിച്ച് ചികിത്സ നല്കി. നിലവില് ആരോഗ്യനില തൃപ്തികരമെന്നാണ് വിവരം. പെരുമണ്ണൂര്, കൂറ്റനാട്, എസ്റ്റേറ്റ് പടി തുടങ്ങിയ സ്ഥലങ്ങളില് നിന്നായി നൂറുകണക്കിന് രോഗികള് ചികിത്സ തേടിയെത്തുന്ന ആരോഗ്യ കേന്ദ്രത്തിലാണ് ദാരുണ സംഭവം. ആരോഗ്യ കേന്ദ്രം പ്രവര്ത്തിക്കുന്ന പരിസരം മുഴുവന് കാട് പിടിച്ചുകിടക്കുകയാണ്. ഇതിനെതിരെ ആശുപത്രിയിലെ ഡോക്ടര് ഉള്പ്പടെ പരാതി നല്കിയിട്ടും യാതൊരു നടപടിയും പഞ്ചായത്തിന്റെ ഭാഗത്ത് നിന്നുണ്ടായിരുന്നില്ല എന്ന് ആരോപണമുണ്ട്.
