വേൾഡ് മലയാളി കൗൺസിൽ അൽ ഖോബാർ പ്രൊവിൻസ് കിഡ്സ് ക്ലബ് ശിശുദിനം അൽ ഖോബാർ ലുലുവിന്റെ സഹകരണത്തോടെ വിപുലമായി ആഘോഷിച്ചു. കിഡ്സ് ക്ലബ് ടീമിന്റെ വിവിധ കലാ പ്രകടനങ്ങൾ ആസ്വാദക പ്രശംസ ഏറ്റുവാങ്ങി. കുട്ടികളുടെ വിവിധ കലാപരിപാടികളായ ഫാഷൻ ഷോ ,ടാലെന്റ് ഷോ ,ഗ്രൂപ്പ് ഡാൻസ് ,പാട്ടുകൾ മറ്റു കലാ കായിക പ്രകടനങ്ങളുമായി ഈ കഴിഞ്ഞ വെള്ളിയാഴ്ച ലുലു ഖോബാർ കുട്ടികളുടെ ഒരു ഉത്സവ രാവായി. വേൾഡ് മലയാളി കൗൺസിൽ അൽ ഖോബാർ പ്രസിഡന്റ് ഷമീം കാട്ടാകട അധ്യക്ഷത വഹിച്ച ചടങ്ങിൽ ജനറൽ സെക്രട്ടറി അഷ്റഫ് ആലുവ സ്വാഗതവും വനിതാ കൗൺസിൽ പ്രസിഡന്റ് അനുപമ ദിലീപ് ആശംസകളും നേർന്നു. പ്രസ്തുത ചടങ്ങിൽ വേൾഡ് മലയാളി കൗൺസിൽ ഗ്ലോബൽ സെക്രട്ടറി ജനറലും മുഖ്യ രക്ഷാധികാരിയുമായ മൂസ കോയ ശിശുദിന സന്ദേശം കുട്ടികൾക്ക് കൈമാറി.ലുലു അൽ ഖോബാർ ജനറൽ മാനേജർ ശ്യാം ഗോപാൽ കുട്ടികൾക്കുള്ള സമ്മാനദാനം നിർവഹിച്ചു .
വേൾഡ് മലയാളി കൗൺസിൽ അൽ ഖോബാർ പ്രൊവിൻസ് വനിതാ കൗൺസിൽ ചെയർപേഴ്സൺ അർച്ചന അഭിഷേക് ,മിഡിൽ ഈസ്റ്റ് വിമൻസ് കൗൺസിൽ ട്രഷറർ രതിനാഗ എന്നിവർ നേതൃത്വം നൽകിയ കുട്ടികളുടെ വിവിധ കലാ കായിക പ്രകടനങ്ങൾക്ക് വൈസ് ചെയർമാന്മാരായ അബ്ദുൽ സലാം,നവാസ് സലാഹുദീൻ ,ജോയിന്റ് സെക്രട്ടറി ദിലീപ് കുമാർ,ബിസിനസ്സ് ഫോറം വൈസ് ചെയർമാൻ ഉണ്ണികൃഷ്ണൻ,ബിസിനസ്സ് ഫോറം ട്രഷറർ നിസ്സാം യൂസഫ് ,ഗ്ലോബൽ വനിത കൗൺസിൽ ട്രഷറർ ജമീലാ ഗുലാം , അൽ ഖോബാർ പ്രൊവിൻസ് വനിതാ കൗൺസിൽ ട്രഷറർ ഷീജാ അജീം,വനിതാ കൗൺസിൽ എക്സിക്യൂട്ടീവ് മെംബേർസ് ആയ ഷെറി ഷമീം,സുജ റോയ്,ജെസ്സി നിസ്സാം,ഫമിതാ ജംഷീർ,സിന്ധിത പ്രശാന്ത്,നിസിയ നഹാസ് എന്നിവർ നേതൃത്വം നൽകി.
അൽ ഖോബാർ പ്രൊവിൻസ് പ്രോഗ്രാം കൺവീനർ യാസർ അറഫാത്തും, വനിതാ കൗൺസിൽ ചെയർപേഴ്സൺ അർച്ചന അഭിഷേകും അവതാരകരായിരുന്ന ശിശുദിന ആഘോഷത്തിന് അൽ ഖോബാർ പ്രൊവിൻസ് ട്രഷറർ അജീം ജാലാലുദീൻ നന്ദി രേഖപ്പെടുത്തി.
