സംസ്ഥാനത്ത് അടുത്ത നാലുദിവസം അതിശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഇടുക്കി, മലപ്പുറം, കോഴിക്കോട,് വയനാട് ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചു. പത്തനംതിട്ട, പാലക്കാട്, കണ്ണൂര്, കാസര്ഗോഡ് ജില്ലകളില് യെല്ലോ അലര്ട്ടുമുണ്ട്. (Kerala rains heavy rain likely in kerala for 4 days)
നാളെ എട്ടു ജില്ലകളില് മഴ മുന്നറിയിപ്പുണ്ട്. മലപ്പുറത്തും കണ്ണൂരൂം നാളെ ഓറഞ്ച് അലര്ട്ട് പ്രഖ്യാപിച്ചു. ബുധന്, വ്യാഴം ദിവസങ്ങളില് പരക്കെ അതിശക്തമായ മഴയ്ക്ക് സാധ്യതയെന്നാണ് പ്രവചനം.മഴയ്ക്കൊപ്പം ശക്തമായ കാറ്റിനും ഇടിമിന്നലിനും സാധ്യതയുള്ളതിനാല് പൊതുജനങ്ങള് ജാഗ്രത പാലിക്കണം. കേരള കര്ണാടക ലക്ഷദ്വീപ് തീരങ്ങളില് നിലവില് മത്സ്യബന്ധനത്തിന് തടസ്സമില്ല. അടുത്ത 4 ദിവസത്തിനുള്ളില് രാജ്യത്ത് നിന്ന് കാലവര്ഷം പൂര്ണ്ണമായും പിന്വാങ്ങാനും തെക്ക് കിഴക്കേ ഇന്ത്യയില് തുലാവര്ഷം ആരംഭിക്കാനും സാധ്യതയുണ്ട്.
