തിരുവനന്തപുരം മേഖല മില്മ യൂണിയന് ഭരണസമിതിയില് കഴിഞ്ഞ നാല് വര്ഷം നടന്നത് ഗുരുതര അഴിമതിയും സാമ്പത്തിക ക്രമക്കേടുമെന്ന് റിപ്പോര്ട്ട്. യൂണിയന് പിരിച്ചുവിട്ട ക്ഷീരവികസന വകുപ്പ് ഡയറക്ടറുടെ ഉത്തരവിലാണ് ഗുരുതര കണ്ടെത്തലുകള്. ഉത്തരവിന്റെ പകര്പ്പ് ട്വന്റിഫോറിന് ലഭിച്ചു.
ജീവനക്കാരുടെ ട്രാന്സ്ഫര് പ്രമോഷന് പോസ്റ്റിംഗ് എന്നിവയില് ഭരണസമിതി നടത്തിയത് നിയമവിരുദ്ധ ഇടപെടലെന്നും റിപ്പോര്ട്ടില് പറയുന്നു. ഭരണകാലയളവില് ഉടനീളം ഉണ്ടായത് അഴിമതിയും സ്വജനപക്ഷപാതവും. ശബരിമല സന്നിധാനം സ്റ്റോറിലേക്ക് അയച്ച ഗുണമേന്മയുള്ള നെയ്യ് വഴിമധ്യേ മാറ്റി തമിഴ്നാട്ടില് നിന്നുള്ള ഗുണമേന്മയില്ലാത്ത നെയ്യ് ടിന്നുകളില് നിറച്ചു. ശേഷം ഗുണമേന്മയുള്ള നെയ്യ് ലിറ്ററിന് 720 രൂപ നിരക്കില് മറിച്ചുവിറ്റ് നേടിയത് വന് സാമ്പത്തിക ലാഭം. ഭരണസമിതി അംഗങ്ങളും പത്തനംതിട്ട ഡയറി യൂണിറ്റ് ഹെഡും ക്രമക്കേടിന് ഒത്താശ ചെയ്തു.
ശബരിമല സന്നിധാനത്തേക്കുള്ള നെയ്യ് മുഴുവനായും എഫ്എസ്എസ്എഐയുടെ ഗുണ പരിശോധനയ്ക്ക് വിധേയമാക്കിയിട്ടില്ലെന്നും കണ്ടെത്തലുണ്ട്. പാല് ക്ഷാമത്തിന്റെ പേരില് തമിഴ്നാട് നിന്ന് പാല് എത്തിച്ചതിനും അനധികൃത ടെന്ഡര്. ബന്ദിപ്പൂര് വനമേഖലയിലെ രാത്രി യാത്ര നിരോധനത്തിന്റെ പേരില് ദൂരം പെരുപ്പിച്ചു കാണിച്ചു. അഴിമതിയുടെ ആഴം കണക്കിലെടുത്ത് യൂണിയന് പിരിച്ചുവിടുന്നതായും ഉത്തരവില് പറയുന്നു.
യൂണിയനെ പിരിച്ചുവിട്ട നടപടി രാഷ്ട്രീയപ്രേരിതം എന്ന്, മില്മ ചെയര്മാന് കെ എസ് മണി ട്വന്റിഫോറിനോട് പറഞ്ഞു. മണി വിശ്വനാഥ് ചെയര്പേഴ്സനായ ഇടതുപക്ഷ ഭരണസമിതിയാണ് അയോഗ്യരായത്. 2021ല് സമാന സാഹചര്യത്തില് എല്ഡിഎഫ് സര്ക്കാര് കോണ്ഗ്രസ് ഭരണസമിതിയെയും പിരിച്ചുവിട്ടിരുന്നു. തിരഞ്ഞെടുപ്പ് വരുംവരെ അഡ്മിനിസ്ട്രേറ്റര് തിരുവനന്തപുരം യൂണിയന് ഭരിക്കും.
