അപേക്ഷിച്ച് 24 മണിക്കൂറിനുള്ളില്‍ ബാര്‍ ലൈസന്‍സ് കിട്ടുന്നതില്‍ അസ്വഭാവികതയുണ്ട്, അതാണ് നടപടിയെടുത്തത്;മന്ത്രി എം ലിജു


ഡല്‍ഹി: മന്ത്രി അറിയാതെ മൂന്ന് പുതിയ ബാറുകള്‍ക്ക് ലൈസന്‍സ് നല്‍കിയ സംഭവത്തില്‍ ഉദ്യോഗസ്ഥര്‍ക്ക് മുന്നറിയിപ്പുമായി എക്‌സൈസ് മന്ത്രി എം ലിജു. കഴിഞ്ഞ സര്‍ക്കാര്‍ നടത്തിയ വൃത്തിക്കേടുകള്‍ തുടരാനല്ല യുഡിഎഫ് സര്‍ക്കാരെന്നും, സര്‍ക്കാര്‍ നയം ഉദ്യോഗസ്ഥര്‍ അറിഞ്ഞിരിക്കണമെന്നും മന്ത്രി പറഞ്ഞു. സംഭവത്തില്‍ സമഗ്ര അന്വേഷണം നടത്തുമെന്നും മന്ത്രി പറഞ്ഞു.

കഴിഞ്ഞ പത്ത് പതിനഞ്ച് വര്‍ഷക്കാലം ബിയര്‍ – വൈന്‍ പാര്‍ലര്‍ ആയിരുന്ന ഒരു സ്ഥാപനം പെട്ടന്ന് ഒരുദിവസം ബാര്‍ ആയി മാറി എന്നുള്ള വിവരം സര്‍ക്കാരിനെ അറിയിച്ചില്ലെന്ന് അദ്ദേഹം പറഞ്ഞു. സര്‍ക്കാരിനെ അറിയിക്കുന്ന ഒരു സിസ്റ്റവും ഉണ്ടായിരുന്നില്ല. വിവരം കിട്ടിയപ്പോള്‍ തന്നെ റിപ്പോര്‍ട്ട് ആവശ്യപ്പെട്ടു. അപേക്ഷിച്ച് 24 മണിക്കൂറിനുള്ളില്‍ ലൈസന്‍സ് കിട്ടുക എന്നാല്‍ പ്രാഥമിക വീഴ്ച ഉണ്ട് എന്നത് വ്യക്തമാണ്. അങ്ങനെ ഒരു സാഹചര്യത്തിലാണ് സര്‍ക്കാര്‍ നടപടിയെടുത്തത് – അദ്ദേഹം പറഞ്ഞു.

സസ്‌പെന്‍ഷന്‍ ശിക്ഷയല്ലെന്നും അന്വേഷണ വിധേയമായാണ് സസ്‌പെന്‍ഡ് ചെയ്തതെന്നും അദ്ദേഹം പറഞ്ഞു. വിജിലന്‍സ് അന്വേഷണം അടക്കമുള്ള സാധ്യത പരിശോധിക്കും. സര്‍ക്കാര്‍ നയം അട്ടിമറിക്കാന്‍ ആരെയും അനുവദിക്കില്ല. കഴിഞ്ഞ സര്‍ക്കാരിന്റെ തുടര്‍ച്ചയല്ല ഈ സര്‍ക്കാര്‍. തനിക്ക് അസംതൃപ്തിയില്ല. ആക്ഷന്‍ ആണ്, തീരുമാനമാണ് എടുത്തിട്ടുള്ളത്. ഞാന്‍ ഒരിടത്തും അസംതൃപ്തി പ്രകടിപ്പിച്ചിട്ടില്ല, വ്യക്തിപരമായ ഒരു വിഷയവുമില്ല – അദ്ദേഹം പറഞ്ഞു.

വിരമിച്ച ഉദ്യോഗസ്ഥര്‍ പോലും ലൈസന്‍സിന് വേണ്ടി ഇറങ്ങുകയാണെന്നും അദ്ദേഹം ചൂണ്ടിക്കാട്ടി. വിരമിച്ച ഉദ്യോഗസ്ഥര്‍ ലൈസന്‍സിന് വേണ്ടി ഇറങ്ങേണ്ടതില്ല. ഉദ്യോഗസ്ഥര്‍ അനധികൃതമായി സ്വത്ത് സമ്പാദിച്ചോ എന്നതടക്കമുള്ള കാര്യങ്ങള്‍ പരിശോധിക്കും. വിരമിച്ച ഉദ്യോഗസ്ഥരുടെയും സ്വത്തു വിവരങ്ങള്‍ പരിശോധിക്കും. 12 വര്‍ഷം ഇല്ലാതിരുന്ന ബാര്‍ ലൈസന്‍സ് ഒരു പേപ്പര്‍ കൊടുത്താല്‍ 24 മണിക്കൂറില്‍ കിട്ടുക എന്നത് അംഗീകരിക്കാന്‍ കഴിയില്ല. മുകള്‍ത്തട്ടില്‍ അറിയാത്ത നിലയിലായിരുന്നു കഴിഞ്ഞ എല്‍ഡിഎഫ് സര്‍ക്കാര്‍ ഒരു സിസ്റ്റം ഉണ്ടാക്കി വച്ചത്, അത് തിരുത്തും – അദ്ദേഹം വ്യക്തമാക്കി.

ബാര്‍ ലൈസന്‍സ് അനുവദിച്ചതില്‍ വിജിലന്‍സ് അന്വേഷണത്തിന് ഒരുങ്ങുകയാണ് സര്‍ക്കാര്‍. സസ്‌പെന്‍ഷനിലുള്ള രണ്ട് ഉദ്യോഗസ്ഥര്‍ സാമ്പത്തിക ഇടപാട് നടത്തിയെന്നാണ് വിവരം.

Related Posts

ചടയമംഗലത്ത് 13 കാരനെ ക്രൂരമായി മർദ്ദിച്ച രണ്ടാനച്ഛനെ ഉടൻ അറസ്റ്റ് ചെയ്യണം; റൂറൽ എസ്‍പിയെ നേരിട്ട് വിളിച്ച് മുഖ്യമന്ത്രി
  • November 13, 2026

കൊല്ലം: ചടയമംഗലത്ത് 13 വയസുകാരനെ രണ്ടാനച്ഛന്‍ ക്രൂരമായി മര്‍ദ്ദിച്ച സംഭവത്തില്‍ മുഖ്യമന്ത്രി വി.ഡി സതീശന്‍ റൂറല്‍ എസ്.പിയുമായി ഫോണില്‍ സംസാരിച്ചു. പ്രതിയെ എത്രയും വേഗം അറസ്റ്റു ചെയ്യാനും കര്‍ശന നിയമ നടപടി സ്വീകരിക്കാനും മുഖ്യമന്ത്രി നിര്‍ദ്ദേശം നല്‍കി. സംഭവത്തിൽ അടിയന്തരമായി കേസെടുക്കാൻ…

Continue reading
മൊഴി നൽകിയതിന് വധഭീഷണി, ഗ്യാനേഷ് കുമാറിനെതിരെയുള്ള വിജിലൻസ് അന്വേഷണം; വി ഒ സാജന് വധഭീഷണി
  • November 13, 2026

തിരുവനന്തപുരം: ഗ്യാനേഷ് കുമാറിനെതിരെയുള്ള വിജിലൻസ് അന്വേഷണം. മൊഴി നൽകിയ വി ഒ സാജന് വധ ഭീഷണി. ആഭ്യന്തര മന്ത്രിക്ക് വി.ഒ സാജൻ പരാതി നൽകി. വാട്ട്സ് ആപ്പ് കോൾ വഴിയാണ് ഭീഷണി സന്ദേശം എത്തിയത്. വി.ഒ സാജനെതിരെയുള്ള വധഭീഷണി ശബ്ദരേഖ 24ന്…

Continue reading

You Missed

പി ടി ഉഷയ്ക്ക് ഇന്ന് നിർണായകം, നാമനിർദ്ദേശം ചട്ടവിരുദ്ധമെന്ന് മുൻ ഭാരവാഹി

പി ടി ഉഷയ്ക്ക് ഇന്ന് നിർണായകം, നാമനിർദ്ദേശം ചട്ടവിരുദ്ധമെന്ന് മുൻ ഭാരവാഹി

അമേരിക്കയിൽ വിമാനയാത്ര സ്തംഭിച്ചു!

അമേരിക്കയിൽ വിമാനയാത്ര സ്തംഭിച്ചു!

ചടയമംഗലത്ത് 13 കാരനെ ക്രൂരമായി മർദ്ദിച്ച രണ്ടാനച്ഛനെ ഉടൻ അറസ്റ്റ് ചെയ്യണം; റൂറൽ എസ്‍പിയെ നേരിട്ട് വിളിച്ച് മുഖ്യമന്ത്രി

ചടയമംഗലത്ത് 13 കാരനെ ക്രൂരമായി മർദ്ദിച്ച രണ്ടാനച്ഛനെ ഉടൻ അറസ്റ്റ് ചെയ്യണം; റൂറൽ എസ്‍പിയെ നേരിട്ട് വിളിച്ച് മുഖ്യമന്ത്രി

ദേ സ്വർണ്ണം പിന്നേം! ഉച്ച കഴിഞ്ഞ് പൊന്ന് വില വീണ്ടും താഴേക്ക്

ദേ സ്വർണ്ണം പിന്നേം! ഉച്ച കഴിഞ്ഞ് പൊന്ന് വില വീണ്ടും താഴേക്ക്

ഭീകര പ്രവർത്തനങ്ങളിലൂടെ സാമ്പത്തിക നേട്ടമുണ്ടാക്കി: നവീ മുംബൈ സ്വദേശി പിടിയിൽ

ഭീകര പ്രവർത്തനങ്ങളിലൂടെ സാമ്പത്തിക നേട്ടമുണ്ടാക്കി: നവീ മുംബൈ സ്വദേശി പിടിയിൽ

മൊഴി നൽകിയതിന് വധഭീഷണി, ഗ്യാനേഷ് കുമാറിനെതിരെയുള്ള വിജിലൻസ് അന്വേഷണം; വി ഒ സാജന് വധഭീഷണി

മൊഴി നൽകിയതിന് വധഭീഷണി, ഗ്യാനേഷ് കുമാറിനെതിരെയുള്ള വിജിലൻസ് അന്വേഷണം; വി ഒ സാജന് വധഭീഷണി