പരീക്ഷാ മൂല്യനിര്ണയത്തിലെ പിഴവുകളില് പരിഹാര നടപടികളുമായി കേരള സര്വകലാശാല. സര്വകലാശാലയ്ക്ക് കീഴിലെ ലോ കോളജുകളിലും കേന്ദ്രീകൃത മൂല്യനിര്ണയ ക്യാമ്പുകള് നടപ്പിലാക്കുമെന്നാണ് അറിയിച്ചിരിക്കുന്നത്. ചോദ്യപേപ്പര് മുന്കൂട്ടി നല്കുന്ന രീതിയിലും മാറ്റമുണ്ടാക്കും. പരീക്ഷാ നടത്തിപ്പിലെ വീഴ്ചകള് ട്വന്റിഫോറാണ് പുറത്തുകൊണ്ടുവന്നിരുന്നത്. (Errors in exam evaluation: Kerala University initiates remedial measures)
കേരള സര്വകലാശാലയ്ക്ക് കീഴിലെ ലോ കോളജുകളില് എല്എല്ബി പരീക്ഷാ നടത്തിപ്പ് സുതാര്യമാക്കാന് നീക്കമുണ്ടാകുമെന്നാണ് സര്വകലാശാല വ്യക്തമാക്കിയിരിക്കുന്നത്. ഇക്കാര്യം വൈസ് ചാന്സലര് തന്നെ ഉറപ്പുനല്കുകയാണ്. വിദ്യാര്ഥികളുടെ ഉത്തര കടലാസുകള് ശേഖരിച്ച് അധ്യാപകര് വീട്ടിലേക്ക് കൊണ്ടുപോകുന്നത് ഒഴിവാക്കി പകരം കേന്ദ്രീകൃത മൂല്യനിര്ണയ ക്യാമ്പുകള് സംഘടിപ്പിക്കുമെന്നതാണ് മറ്റൊരു സുപ്രധാന പ്രഖ്യാപനം.
ചോദ്യപേപ്പര് മുന്കൂട്ടി പരീക്ഷാ കേന്ദ്രങ്ങളില് എത്തിക്കുന്നത് ഒഴിവാക്കും. ചോദ്യപേപ്പര് പരീക്ഷകള്ക്ക് മുമ്പ് ഓണ്ലൈനായി അയച്ചുകൊടുക്കുന്ന വിധത്തിലാക്കും. സര്വകലാശാലയുടെ എല്ലാ പ്രവര്ത്തനങ്ങളും ഡിജിറ്റലാക്കുന്ന സോഫ്റ്റ്വെയറിന്റെ പോരായ്മകള് പരിഹരിക്കുമെന്നും സര്വകലാശാല വ്യക്തമാക്കിയിട്ടുണ്ട്.
