‘അഡിയോസ് അമിഗോ’ എന്ന ചിത്രമാണ് ആസിഫ് അലിയുടേതായി റിലീസിന് ഒരുങ്ങുന്നത്.
പ്രഖ്യാപനം മുതൽ ശ്രദ്ധനേടിയ ആസിഫ് അലി ചിത്രമാണ് ലെവൽ ക്രോസ്. സംവിധായകൻ ജീത്തു ജോസഫ് അവതരിപ്പിച്ച ചിത്രത്തിൽ ഏറെ വ്യത്യസ്തമായ വേഷത്തിലായിരുന്നു ആസിഫ് എത്തിയത്. പ്രമോഷൻ മെറ്റീരിയലുകളിൽ നിന്നും അക്കാര്യം വ്യക്തമായതാണ്. ഏറെ നാളത്തെ കാത്തിരിപ്പിനൊടുവിൽ എത്തിയ ഈ സസ്പെൻസ് ത്രില്ലറിന്റെ ബോക്സ് ഓഫീസ് കളക്ഷൻ വിവരങ്ങളാണ് ഇപ്പോൾ പുറത്തുവരുന്നത്.
024 ജൂലൈ 26നാണ് ലെവൽ ക്രോസ് തിയറ്ററുകളിൽ എത്തിയത്. റിലീസ് ചെയ്ത് പത്ത് ദിവസം വരെയുള്ള ചിത്രത്തിന്റെ കളക്ഷൻ വിവരമാണ് പ്രമുഖ ബോക്സ് ഓഫീസ് സൈറ്റായ സാക്നിൽക് പുറത്തുവിട്ടിരിക്കുന്നത്. ഇവരുടെ റിപ്പോർട്ട് പ്രകാരം 1.34 കോടി രൂപയാണ് ലെവൽ ക്രോസ് ആഗോളതലത്തിൽ നേടിയിരിക്കുന്നത്. കേരള ബോക്സ് ഓഫീസിൽ നിന്നും ഒൻപത് ലക്ഷം രൂപയാണ് ചിത്രം കളക്ട് ചെയ്തിരിക്കുന്നതെന്നും റിപ്പോർട്ടുണ്ട്.
നവാഗതനായ അര്‍ഫാസ് അയൂബ് സംവിധാനം ചെയ്ത ചിത്രമാണ് ലെവൽ ക്രോസ്. ജീത്തു ജേസഫിന്റെ സംവിധാന സഹായിയും ശിഷ്യനും കൂടിയാണ് അയൂബ്. ആസിഫ് അലി നായകനായി എത്തിയ ചിത്രത്തിൽ അമല പോൾ ആയിരുന്നു നായിക കഥാപാത്രത്തെ അവതരിപ്പിച്ചത്. ഷറഫുദ്ദീനും ചിത്രത്തിൽ കേന്ദ്ര കഥാപാത്രത്തെ അവതരിപ്പിച്ചിരിക്കുന്നു. ചിത്രത്തിന് തിരക്കഥ ഒരുക്കിയിരിക്കുന്നതും അര്‍ഫാസ് അയൂബ് തന്നെയാണ്.
അതേസമയം, ‘അഡിയോസ് അമിഗോ’ എന്ന ചിത്രമാണ് ആസിഫ് അലിയുടേതായി റിലീസിന് ഒരുങ്ങുന്നത്. സുരാജ് വെഞ്ഞാറമൂടും പ്രധാന വേഷത്തില്‍ എത്തുന്ന ചിത്രം ഓഗസ്റ്റ് 2ന് തിയറ്ററുകളില്‍ എത്തും. നവാഗതനായ നഹാസ് നാസർ ആണ് ചിത്രം സംവിധാനം ചെയ്തിരിക്കുന്നത്. പേര് സൂചിപ്പിക്കുന്നത് പോലെ തന്നെ വ്യത്യസ്ത കഥപറച്ചിലുമായി എത്തുന്ന സിനിമയാകും അഡിയോസ് അമിഗോ എന്നാണ് വിലയിരുത്തലുകള്‍.
