തിരുവനന്തപുരത്ത് നഗ്നചിത്രങ്ങള് അയച്ച് വീട്ടമ്മയ്ക്ക് ലോണ് ആപ്പ് നടത്തിപ്പുകാരുടെ നിരന്തര ഭീഷണി. വെള്ളല്ലൂര് സ്വദേശിയായ
വീട്ടമ്മ ദുരനുഭവം തുറന്നുപറഞ്ഞു. മോര്ഫ് ചെയ്ത ചിത്രങ്ങള് ജയ് ക്രെഡിറ്റ് എന്ന ആപ്പിന്റെ പിന്നിലുള്ളവര്, വീട്ടമ്മയുടെ ബന്ധുക്കള്ക്ക് അയച്ചു. ജീവിക്കാന് കഴിയാത്ത അവസ്ഥയെന്ന് വീട്ടമ്മ പറയുന്നു.
യൂട്യൂബില് ഒരു പരസ്യം കണ്ട് ക്ലിക്ക് ചെയ്തതതാണ്. അത് ആപ്പ് ഫോണില് ഇന്സ്റ്റാളായി. ആപ്പ് തുറന്നപ്പോള് ആധാര്, പാന്, പാസ്ബുക്ക് വിവരങ്ങള് കൊടുക്കാന് പറഞ്ഞു. കൊടുത്തു നോക്കി. ആദ്യം റിജക്റ്റ് ചെയ്യുകയാണുണ്ടായത്. അപ്പോള് തന്നെ അണ് ഇന്റസ്റ്റാള് ചെയ്ത് കളഞ്ഞു. പിന്നീട് അക്കൗണ്ടിലേക്ക് രണ്ട് തവണയായി 1500 രൂപ വീതം വന്നു. അങ്ങനെ ആപ്പ് വീണ്ടും ഡൗണ്ലോഡ് ചെയ്തു നോക്കി. ഇത് തിരിച്ചടയ്ക്കണമല്ലോ. പിന്നാലെ 7 ദിവസത്തിനുള്ളില് 5000 രൂപ തിരിച്ചടയ്ക്കണമെന്ന് ഭീഷണിപ്പെടുത്തി. 5000 രൂപ നല്കാന് കഴിയില്ല എന്ന് പറഞ്ഞതോടെ മോര്ഫ് ചെയ്ത
നഗ്ന ചിത്രങ്ങള് അയച്ചു ഭീഷണി തുടര്ന്നു. വാട്സാപ്പിലെ പ്രൊഫൈല് പിക്ചര് എടുത്ത് അത് ന്യൂഡ് ഫോട്ടോ ആക്കി വേണ്ടപ്പെട്ടവര്ക്ക് അയച്ചുകൊടുക്കും എന്നായിരുന്നു ഭീഷണി. അപ്പോള് തന്നെ സൈബര് പൊലീസില് പരാതി നല്കി – വീട്ടമ്മ പറയുന്നു..
വീട്ടമ്മയുടെ പരാതിയില് സൈബര് പൊലീസ് കേസെടുത്തു.
