മമ്മൂട്ടിയും മോഹൻലാലും ഒന്നിച്ച പുതിയ ചിത്രം പേട്രിയറ്റിനെ അഭിനന്ദിച്ച് ഓസ്ട്രേലിയൻ വനിത. മലയാള സിനിമ പേട്രിയറ്റ് സിനിമ കണ്ട വിദേശ വനിത നടത്തുന്ന അഭിപ്രായ പ്രകടനങ്ങൾ ഇപ്പോൾ സോഷ്യൽ മീഡിയയിൽ വൈറൽ ആണ്. ഒരു ടോം ക്രൂയിസ് സിനിമ പോലെ ഗംഭീരമാണ് സിനിമ എന്നാണ് വിദേശ പ്രേക്ഷക അഭിപ്രായപ്പെടുന്നത്. മ്യൂസിക്കും അഭിനയവും ക്യാമറയും ടെക്നോളജിയുമെല്ലാം അന്തർദേശീയ നിലവാരം പുലർത്തുന്നു എന്നാണ് അവർ വീഡീയോയിൽ പറയുന്നത്.
സിനിമ കാണാൻ എത്തിയ റിനി ജിജോ എന്ന മലയാളി വ്ളോഗർ ആണ് വിദേശ പ്രേക്ഷകയെ ഇന്റർവ്യൂ ചെയ്തതും വീഡിയോ അവരുടെ ഇൻസ്റ്റാഗ്രാം പേജിലൂടെ പുറത്തു വിട്ടതും. ഇതിനോടകം ആയിരക്കണക്കിന് ആളുകൾ ആണ് വീഡിയോയിൽ പ്രതികരിച്ചിരിക്കുന്നത്. മമ്മൂട്ടിയോ മോഹൻലാലൊ ഈ വീഡിയോ കാണുമായിരിക്കും എന്ന പ്രതീക്ഷ പങ്കുവച്ചാണ് വ്ളോഗർ വീഡിയോ ഷെയർ ചെയ്തിരിക്കുന്നതും
റിനി ജിജോ പങ്ക് വച്ച വീഡിയോ കാണാം
മോഹൻലാലും മമ്മൂട്ടിയും ഒരിടവേളയ്ക്ക് ശേഷം ഒന്നിച്ച ചിത്രമാണ പേട്രിയറ്റ്. ഇന്ത്യൻ ബോക്സ് ഓഫീസില് നിന്ന് 28.83 കോടി രൂപയാണ് ആകെ നേടിയത്. വിദേശ ബോക്സ് ഓഫീസില് 41.50 കോടി രൂപയും കളക്റ്റ് ചെയ്തു. ആകെ നേട്ടം 70 കോടിയിലെത്തി.ആദ്യ ദിന കളക്ഷനിൽ 69 കോടി നേട്ടമുണ്ടാക്കിയ എമ്പുരാന്റെ കളക്ഷനെ മറികടന്നില്ലെങ്കിലും മികച്ച നേട്ടമാണ് പേട്രിയറ്റ് സ്വന്തമാക്കിയത്. ചിത്രം 29.1 കോടി രൂപയാണ് ആദ്യ ദിനം ആഗോള തലത്തിൽ നേടിയിരിക്കുന്നത്.മഹേഷ് നാരായണൻ ഒരുക്കുന്ന ചിത്രത്തിൽ ഫഹദ് ഫാസിൽ, കുഞ്ചാക്കോ ബോബൻ, നയൻതാര, രേവതി, രാജീവ് മേനോൻ എന്നിവരും പ്രധാന വേഷങ്ങൾ ചെയ്യുന്നുണ്ട്.
