കെ സുധാകരന്റെ വീട്ടിലെത്തി കണ്ണൂരിലെ യുഡിഎഫ് സ്ഥാനാർഥി ടി ഓ മോഹനൻ. പ്രചരണ രംഗത്ത് സുധാകരൻ സജീവമാകും. കണ്ണൂർ മണ്ഡലം കൺവെൻഷൻ സുധാകരന് സൗകര്യ പ്രദമായ ദിവസം വിളിച്ചു ചേർക്കുമെന്നും മോഹനൻ വ്യക്തമാക്കി.
സുധാകരൻ കൂടെയുണ്ടാകുമെന്ന് ഉറച്ച വിശ്വാസമുണ്ട്. വിജയിക്കാൻ നിരവധി ഘടകങ്ങളുണ്ട്. മേയർ എന്ന നിലയിലുള്ള വ്യക്തിബന്ധവും പാർട്ടിപ്രവർത്തകനെന്ന നിലയിൽ ജനങ്ങളുമായുള്ള ബന്ധവുമുണ്ട്.
എൽ.ഡി.എഫ്. സർക്കാറിന്റെ ദുർഭരണത്തിനെതിരെയുള്ള ജനങ്ങളുടെ വിധിയെഴുത്തും അനുകൂലമാകുമെന്നും അദ്ദേഹം പറഞ്ഞു.തന്റെ വാക്ക് പാലിച്ചെന്ന് കെ സുധാകരൻ പറഞ്ഞു. കെ സുധാകരൻ മറ്റന്നാൾ മുതൽ തിരഞ്ഞെടുപ്പ് പ്രചരണത്തിന് ഇറങ്ങും. ആദ്യ പ്രചരണം ഇരിക്കൂർ മണ്ഡലത്തിൽ സജീവ് ജോസഫിന് വേണ്ടിയാകും.
