തിരുവനന്തപുരം: രമ്യ ഹരിദാസ് എംഎല്എ ഉൾപ്പെട്ട ചിറയിൻകീഴ് കയ്യാങ്കളി ഒത്തുതീർപ്പാക്കാൻ കോൺഗ്രസ്. പ്രശ്നപരിഹാരത്തിന് നാലംഗ സമിതിയെ രൂപീകരിച്ചു. എം. വിൻസെന്റ്, പാലോട് രവി, നെയ്യാറ്റിൻകര സനൽ, കെ.എസ്. ശബരീനാഥൻ എന്നിവരാണ് സമിതി അംഗങ്ങള്. രമ്യ ഹരിദാസിനും സജിത്തിനും എതിരെ നടപടി ഉണ്ടായേക്കില്ല.
അതേസമയം, രണ്ടുപേര്ക്കും താക്കീത് നല്കിയിട്ടുണ്ട്. കെപിസിസി പ്രസിഡന്റ് സണ്ണി ജോസഫ് പാര്ട്ടി ആസ്ഥാനത്തേക്ക് വിളിപ്പിച്ചാണ് രമ്യക്ക് താക്കീത് നല്കിയത്. പാളയം പ്രദീപിനെ സ്റ്റാഫ് ആക്കേണ്ട. വിഷയത്തില് പരസ്യപ്രതികരണം വേണ്ടെന്നുമാണ് നിര്ദേശം. കേസുകൾ പിൻവലിക്കാന് രണ്ടുപേരോടും ആവശ്യപ്പെട്ടിട്ടുണ്ട്. തർക്കങ്ങൾ ഒഴിവാക്കി മുന്നോട്ടു പോകാനാണ് കോണ്ഗ്രസ് നീക്കം.
