മൂന്നു വയസുകാരിക്ക് കാലാവധി കഴിഞ്ഞ മരുന്ന് നൽകി എന്ന് പരാതി. തിരുവനന്തപുരം പാറശ്ശാല താലൂക്ക് ആശുപത്രിയിലാണ് സംഭവം. ഇന്നലെ രാത്രി ചികിത്സ തേടിയെത്തിയ മൂന്നു വയസ്സുകാരിക്ക് ആണ് കാലാവധി കഴിഞ്ഞ ട്രിപ്പ് ഇട്ടു നൽകിയത്.
തളച്ചാൻ വിള സ്വദേശി അഖിൽരാജിന്റെ മകൾക്കാണ് ദുരനുഭവം ഉണ്ടായത്. അഖിൽരാജ് ബഹളം വച്ചതിനെ തുടർന്ന് ആശുപത്രി അധികൃതർ മരുന്ന് മാറ്റി നൽകി. കഴിഞ്ഞ ഏപ്രിൽ മാസത്തിൽ കാലാവധി കഴിഞ്ഞ ട്രിപ്പാണ് നൽകിയത്.
സംഭവത്തിൽ ഡിവൈഎഫ്ഐ ആശുപത്രിയിലേക്ക് പ്രതിഷേധ മാർച്ച് നടത്തി. ആശുപത്രിയുടെ പഴയ കെട്ടിടത്തിൽ നിന്നും പുതിയ കെട്ടിടത്തിലേയ്ക്ക് മരുന്നുകൾ മാറ്റുന്നതിനിടയിൽ സംഭവിച്ചതാകാമെന്നാണ് സൂപ്രണ്ടിന്റെ മറുപടി.
