റിലയന്‍സ് ഇന്‍ഡസ്ട്രീസിന്റെ ഡിജിറ്റല്‍-ടെലികോം വിഭാഗമായ ജിയോ പ്ലാറ്റ്‌ഫോംസ് ഐപിഒ വന്‍ വിജയത്തോടെ വിപണിയില്‍ അരങ്ങേറ്റം കുറിച്ചു. നിക്ഷേപകരില്‍ നിന്നും റെക്കോര്‍ഡ് പ്രതികരണമാണ് കമ്പനിക്ക് ലഭിച്ചത്. ശക്തമായ ലിസ്റ്റിംഗിനെ തുടര്‍ന്ന് ജിയോ പ്ലാറ്റ്‌ഫോംസിന്റെ ആകെ വിപണിമൂല്യം 12.5 ലക്ഷം കോടി രൂപ കടന്നു. ഇതോടെ വിപണി മൂല്യത്തില്‍ മാതൃകമ്പനിയായ റിലയന്‍സിന് തൊട്ടുപിന്നില്‍ ഇന്ത്യയിലെ ഏറ്റവും വലിയ രണ്ടാമത്തെ ലിസ്റ്റഡ് കമ്പനിയായി ജിയോ മാറി. (excellent response to Jio Platforms IPO)
ഇന്ത്യന്‍ ഐപിഒ ചരിത്രത്തില്‍ ആദ്യമായി ഒരു കോടിയിലധികം അപേക്ഷകള്‍ ലഭിച്ച ഐപിഒ എന്ന റെക്കോര്‍ഡ് ജിയോ സ്വന്തമാക്കി. 30,188 കോടി രൂപയാണ് ഈ ഐപിഒയിലൂടെ കമ്പനി സമാഹരിച്ചത്. ഓഹരിയൊന്നിന് 1,119 രൂപ നിരക്കിലാണ് ഐപിഒ വില നിശ്ചയിച്ചിരുന്നത്. ബിഎസ്ഇ , എന്‍എസ്ഇ വിപണികളില്‍ ഇഷ്യു വിലയേക്കാള്‍ ഏകദേശം 21.3 ശതമാനം പ്രീമിയത്തോടെ 1,358 രൂപയ്ക്കാണ് ഓഹരികള്‍ വ്യാപാരം ആരംഭിച്ചത്.
മിനിമം ഒരു ലോട്ട് ലഭിച്ച റീട്ടെയില്‍ നിക്ഷേപകര്‍ക്ക് ആദ്യദിനം തന്നെ മികച്ച ലാഭം സ്വന്തമാക്കാന്‍ സാധിച്ചു. ഇതില്‍ ഓഫര്‍ ഫോര്‍ സെയില്‍ ഇല്ലാതെ മുഴുവന്‍ തുകയും പുതിയ ഓഹരികള്‍ ഇറക്കിക്കൊണ്ടുള്ളതാണ്. സമാഹരിക്കുന്ന തുകയില്‍ 27,500 കോടി രൂപ റിലയന്‍സ് ജിയോ ഇന്‍ഫോകോമിന്റെ കടങ്ങള്‍ വീട്ടുന്നതിനാണ് ഉപയോഗിക്കുന്നത്.
