നിജ്ജര് കൊലപാതകത്തില് ഇന്ത്യക്കെതിരെ തെളിവുണ്ടെന്ന് കാനഡ. ഇന്ത്യ അന്വേഷണവുമായി സഹകരിക്കണമെന്നും, തെളിവുകള് കൈമാറിയിട്ടുണ്ടെന്നും കനേഡിയന് പ്രധാനമന്ത്രി ജസ്റ്റിന് ട്രൂഡോ വ്യക്തമാക്കി. കനേഡിയന് പൗരന്മാരുടെ സുരക്ഷ പരമ പ്രധാനമാണ്. കാനഡയുടെ മണ്ണില് വിദേശ ശക്തികളുടെ ഇടപെടല് അനുവദിക്കില്ലെന്നാണ് ട്രൂഡോ പറയുന്നത്. (canada allegations against India in nijjar murder)
കാനഡയിലുണ്ടായ കൊലപാതകത്തിലും ക്രിമിനല് പ്രവര്ത്തനങ്ങളിലും ഇന്ത്യന് സര്ക്കാരിന് പങ്കുണ്ടെന്നാണ് കാനഡ ആവര്ത്തിക്കുന്നത്. ഖാലിസ്ഥാന് അനുകൂലരെ ഇന്ത്യ ഗവണ്മന്റ് ക്രിമിനല് ഗ്രൂപ്പുകളെ ഉപയോഗിച്ച് ലക്ഷ്യം വെയ്ക്കുന്നുവെന്ന് കാനഡ ആരോപിക്കുന്നു. കുറ്റകൃത്യങ്ങളില് അധോലോക നായകന് ലോറന്സ് ബിഷ്ണോയി ഗ്രൂപ്പിന് പങ്കുണ്ടെന്നും കനേഡിയന് പൊലീസ് ആരോപിച്ചു. ലോറന്സ് ബിഷ്ണോയി ഗ്രൂപ്പിന് ഇന്ത്യന് സര്ക്കാരിന്റെ പിന്തുണയുണ്ടെന്നും കാനഡ ആരോപിച്ചു.
