തിരുവനന്തപുരം: വീണ വിജയനെതിരെയുള്ള രേഖാമൂലമുള്ള കണ്ടെത്തലുകൾ അതീവ ഗൗരവമുള്ളതെന്ന് കെ.പി.സി.സി. പ്രസിഡന്റ് സണ്ണി ജോസഫ്. ED അന്വേഷണത്തെ ബാലപ്പെടുത്തുന്ന കാര്യങ്ങളാണ് പുറത്ത് വന്നിട്ടുള്ളത്. അന്വേഷണവുമായി സംസ്ഥാന സർക്കാരിന് ബന്ധമില്ല. നിയമം നിയമത്തിന്റെ വഴിക്ക് പോകട്ടെ. രാഷ്ട്രീയ വേട്ടയാണെന്ന് വ്യാഖ്യാനിക്കുന്നതിൽ കാര്യമില്ല.
വീണ വിജയൻ രാഷ്ട്രീയ നേതാവല്ല. ED യുടെ പ്രസ്താവനയിൽ കൂടുതൽ കാര്യങ്ങൾ പുറത്ത് വരുന്നു. രാഷ്ട്രീയ വിശദീകരണ യോഗത്തിന് അപ്പുറം ഒന്നും സിപിഐഎമ്മിൽ നിന്നും പ്രതീക്ഷിക്കേണ്ടെന്നും അദ്ദേഹം വ്യക്തമാക്കി.
മുഖ്യമന്ത്രിക്കൊപ്പം ലഹരി കേസിലെ പ്രതിയുടെ ഫോട്ടോ പുറത്ത് വന്നതിലും അദ്ദേഹം പ്രതികരിച്ചു. രാഷ്ട്രീയ നേതാക്കൾക്കൊപ്പം പല ആളുകളും ഫോട്ടോ എടുക്കും. പക്ഷെ അവർ കേസുകളിൽ പെട്ടാൽ അവരെ സംരക്ഷിക്കുന്ന ഒരു നിലപാടും കോണ്ഗ്രസ് പാർട്ടിയിൽ നിന്നുമുണ്ടാകില്ല. ആരോടും ഫോട്ടോ എടുക്കേണ്ട ചായ കുടിക്കേണ്ട എന്നൊന്നും പറയാൻ കഴിയില്ലല്ലോ.
കെപിസിസി അധ്യക്ഷൻ ഏത് സമയവും ഉണ്ടാവാം. കോൺഗ്രസ് ഒരു ജനാധിപത്യ പാർട്ടിയാണ്. ചർച്ചകൾ ഇനിയും ഉണ്ടായേക്കാം. ഒരാൾക്ക് ഒറ്റപദവി എന്നതൊന്നും കോൺഗ്രസിന്റെ ഭരണഘടനയിൽ ഇല്ല. ഒന്നിലധികം പദവികൾ വഹിച്ച ആളുകൾ ഉണ്ടെന്നും അദ്ദേഹം കൂട്ടിച്ചേർത്തു.
