സംഗീതത്തിനും സംഗീത പ്രതിഭകള്ക്കും ആദരം നല്കാന് ഫ്ളവേഴ്സ് ഒരുക്കുന്ന ഫ്ളവേഴ്സ് മ്യൂസിക് അവാര്ഡ് 2026 ഇന്ന്. വൈകീട്ട് ആറ് മണിക്ക് നെടുമ്പാശേരി സിയാല് കണ്വെന്ഷന് സെന്ററിലാണ് പ്രൗഢഗംഭീരമായ മ്യൂസിക് അവാര്ഡ്സ് നടക്കുക. പരിപാടിയിലേക്ക് പ്രവേശനം തികച്ചും സൗജന്യമായിരിക്കും. (flowers music awards 2026 today)
സംഗീത സംവിധായകന് എം ജയചന്ദ്രന്, ഗായകരായ ബെന്നി ദയാല്, വേടന്, കെ എസ് ഹരിശങ്കര്, ഫെജോ, വൈക്കം വിജയലക്ഷ്മി, സിത്താര കൃഷ്ണകുമാര് തുടങ്ങിയ സംഗീത പ്രതിഭകള് ഒന്നിക്കുന്ന പരിപാടി സംഗീതപ്രേമികള്ക്ക് ഹൃദ്യമായ ഒരു വിരുന്നായിരിക്കും. എണ്ണമറ്റ സംഗീത നിമിഷങ്ങളും പുരസ്കാര തിളക്കങ്ങളും താരങ്ങളുടെ സാന്നിധ്യവും സംഗീതത്തിന്റെ ആഘോഷത്തിമിര്പ്പുമാണ് പ്രേക്ഷകരെ കാത്തിരിക്കുന്നത്.
മലയാളസംഗീതലോകം ഒരൊറ്റ വേദിയില് ഒന്നിക്കുന്ന പരിപാടിയാണ് ഫ്ളവേഴ്സ് മ്യൂസിക് അവാര്ഡ് 2026. വിവിധ ക്യാറ്റഗറികളില് മലയാളത്തിലെ ഏറ്റവും മികച്ച സംഗീത പുരസ്കാരങ്ങള് ഏറ്റുവാങ്ങാന് താരങ്ങളെത്തും. സംഗീതപ്രേമികളേയും പ്രതിഭകളേയും ഫ്ളവേഴ്സ് ട്വന്റിഫോര് പ്രേക്ഷകരേയും എംഎംസി അംഗങ്ങളേയും ഹൃദയപൂര്വം വരവേല്ക്കാന് മ്യൂസിക് അവാര്ഡ്സിന്റെ മാസ്മരിക വേദി ഒരുങ്ങുകയാണ്. പരിപാടിക്ക് വേണ്ടിയുള്ള തയ്യാറെടുപ്പുകള് അവസാനഘട്ടത്തിലാണ്.
