സന്ദീപ് വാര്യർ തൃക്കരിപ്പൂരിലേക്ക്. തൃക്കരിപ്പൂർ മണ്ഡലത്തിൽ സന്ദീപ് വാര്യർ യു ഡി എഫ് സ്ഥാനാർഥിയായേക്കും. ഉദുമയിൽ ബി പി പ്രദീപ് കുമാർ മത്സരിക്കും. പ്രഖ്യാപനം ഇന്ന് വൈകിട്ട്. രണ്ട് പേരെയും പിന്തുണച്ചത് ഷാഫി പറമ്പിൽ എംപി.
അതേസമയം സന്ദീപ് വാര്യരെ പിന്തുണയ്ക്കില്ലെന്ന് കാസർഗോട്ടെ കോൺഗ്രസ് നേതാക്കൾ. കാസർഗോഡ് ഡി സി സിയിൽ പൊട്ടിത്തെറി. നാളെ ഡിസിസിയിൽ അടിയന്തരയോഗം ചേരും. ബാലകൃഷ്ണൻ പെരിയയ്ക്കും അതൃപ്തിയുണ്ട്.
അതേസമയം തവനൂരിൽ കോണ്ഗ്രസ് നേതാവ് സന്ദീപ് വാര്യർക്കായി ഫ്ലക്സ് ഉയർന്നിരുന്നു. പൊറൂക്കര മണ്ഡലം കോൺഗ്രസ് കമ്മറ്റിയുടെ പേരിൽ ആണ് ഫ്ലക്സ് സ്ഥാപിച്ചത്. തവനൂരിലെ സ്ഥാനാർഥിയെ തീരുമാനിക്കുന്നതിന് മുൻപേയാണ് ഫ്ളക്സ് വച്ചത്. ‘സന്ദീപ് വാര്യർക്ക് സ്വാഗതം’ എന്നാണ് ഫ്ലക്സിലുള്ളത്.
ജലീലിനെ നേരിടാൻ യുഡിഎഫ് ആരെ ഇറക്കും എന്നാണ് അറിയാനുള്ളത്. നിലവിലെ ഡിസിസി പ്രസിഡന്റ് വി എസ് ജോയ്, സന്ദീപ് വാര്യർ എന്നിവരാണ് കോണ്ഗ്രസിന്റെ പരിഗണനയിൽ ഉള്ളത്. ഇവരിൽ ആര് എന്ന കാര്യത്തിൽ കോണ്ഗ്രസിൽ തീരുമാനമാകും മുൻപാണ് മണ്ഡലത്തിൽ സന്ദീപ് വാര്യരെ സ്വാഗതം ചെയ്ത് ഫ്ലക്സ് ബോർഡ് പ്രത്യക്ഷപ്പെട്ടത്.
