മറ്റൊരു യുവ നടി മലയാളി താരങ്ങളില് മൂന്നാമതുമെത്തിയിട്ടുണ്ട്.
ജനപ്രീതിയില് മുന്നിലുള്ള മലയാളം നായികാ താരങ്ങളുടെ പട്ടിക പുറത്തുവിട്ടു. ജൂണ് മാസത്തിലും ഒന്നാമതായി മമിതയാണ് താരങ്ങളില് ഇടംനേടിയിരിക്കുന്നത്. മെയ്യിലാണ് മമിത മലയാളി നായികമാരില് ആദ്യമായി ഒന്നാമത് എത്തിയത്. പ്രേമലു വൻ ഹിറ്റായതിനെ തുടര്ന്നാണ് താരത്തിന് മുന്നില് എത്താൻ കഴിഞ്ഞതെന്നാണ് റിപ്പോര്ട്ട്. ചെറിയ വേഷങ്ങള് അവതരിപ്പിച്ച് ശ്രദ്ധയാകര്ഷിച്ച താരം നായികയായി ഇന്ന് മലയാളത്തില് മുന്നിലെത്തിയിരിക്കുകയാണ്. മമിത നായിക വേഷമിടുന്ന നിരവധി ചിത്രങ്ങള് ഒരുങ്ങുകയും ചെയ്യുന്നുണ്ട് എന്നാണ് റിപ്പോര്ട്ട്. പ്രതീക്ഷികപ്പുറത്തെ ആരാധക പിന്തുണയാണ് പെട്ടെന്ന് താരത്തിന് ലഭിച്ചതും.
കുറേ മാസങ്ങളായി മലയാള നായികാ താരങ്ങളില് ഒന്നാമത് ഉണ്ടായിരുന്നത് മഞ്ജു വാര്യരായിരുന്നു. മഞ്ജു വാര്യരെ പിന്തള്ളിയാണ് മമിത മലയാള താരങ്ങളില് ഒന്നാമതെത്തിയതെന്ന് ഓര്മാക്സ് മീഡിയയുടെ റിപ്പോര്ട്ട്. മലയാളത്തിനറെ എക്കാലത്തെയും മികച്ച ചലച്ചിത്ര താരമാണ് മഞ്ജു വാര്യര്. സമീപകാലത്ത് മഞ്ജു വാര്യര് തുടര്ച്ചയായി സിനിമകള് മലയാളത്തില് ചെയ്യുന്നില്ല.
അനശ്വര രാജൻ മൂന്നാമാതായി മലയാളി താരങ്ങള് ഇടംനേടിയെന്നതും പ്രത്യേകതയാണ്. അടുത്തിടെ അനശ്വര രാജന്റേതായി നിരവധി സിനിമകളാണ് വൻ ഹിറ്റായത്. യുവ നായികമാരില് മുൻനിരയില് ഇരിപ്പിടമുറപ്പിക്കാൻ താരത്തിന് സാധിച്ചുവെന്നത് ചെറിയ ഒരു നേട്ടമല്ല. നിരവധി അവസരങ്ങളാണ് അനശ്വര രാജന് സിനിമയില് മലയാളത്തിലുള്ളതും.
ശോഭന നാലാമതായി പിന്തള്ളപ്പെട്ടുവെന്നത് മലയാളി താരങ്ങളുടെ ജൂണിലെ പട്ടികയുടെ മറ്റൊരു പ്രത്യേകതയാണ്. മോഹൻലാല് നായകനായ എല് 360 സിനിമയുടെ ചിത്രീകരണമാണ് നിലവില് ശോഭനയുടേതായി പുരോഗമിക്കുന്നത്. എല് 360ല് മോഹൻലാലിന്റെ ജോഡിയായിട്ടു തന്നെയാണ് ശോഭനയുണ്ടാകുകയെന്നതിനാല് പ്രേക്ഷകര് ആകാംക്ഷയോടെ കാത്തിരിക്കുന്ന ചിത്രവുമായി മാറിയിരിക്കുകയാണ്. തൊട്ടുപിന്നിലുണ്ടായിരുന്ന ഐശ്വര്യ ലക്ഷ്മി പുറത്തായപ്പോള് താരങ്ങളുടെ പട്ടികയില് നിഖില വിമല് ഉള്പ്പെട്ടു.
