നെഹ്റു ട്രോഫി വള്ളംകളി കാണുവാൻ കെ.എസ്.ആർ.ടി.സി ബജറ്റ് ടൂറിസം സെൽ വിവിധ ജില്ലകളിൽ നിന്നുള്ള വള്ളംകളി പ്രേമികൾക്ക് അവസരമൊരുക്കുന്നു.
‘ഓളപ്പരപ്പിലെ ഒളിംപിക്സ്’ ആയ നെഹ്റു ട്രോഫി വള്ളംകളിയുടെ ആവേശം അനുഭവിച്ചറിയാൻ കെ.എസ്.ആർ.ടി.സി.യിൽ യാത്ര ചെയ്ത് ആലപ്പുഴ പുന്നമടക്കായലിൽ നടക്കുന്ന കായൽ ജലോത്സവത്തിൽ പങ്കെടുക്കാം.
വള്ളംകളിയുടെ ടിക്കറ്റ് സഹിതമാണ് കെ.എസ്.ആർ.ടി.സി.യിൽ യാത്ര ക്രമീകരിച്ചിരിക്കുന്നത്. വിവിധ ജില്ലകളിൽ നിന്നും ആവശ്യാനുസരണം ചാർട്ടേഡ് ബസ് ഒരുക്കി നെഹ്റു ട്രോഫിയുടെ റോസ് കോർണർ, വിക്ടറി ലൈൻ എന്നീ കാറ്റഗറിയിലാണ് പ്രവേശനം.
മറ്റ് ജില്ലകളിൽ നിന്നും ആലപ്പുഴയിൽ നേരിട്ട് എത്തുന്നവർക്ക് നെഹ്റു ട്രോഫി വള്ളംകളി കാണുവാൻ പാസ് എടുക്കുവാൻ പ്രത്യേക കൗണ്ടർ ആലപ്പുഴ ഡിപ്പോയിൽ പ്രവർത്തനം ആരംഭിക്കും. എല്ലാ തരം പാസുകളും ഈ ടിക്കറ്റ് കൗണ്ടറിൽ നിന്നും ലഭ്യമാകും. 2022-ൽ ₹1,75,100-യുടെ ടിക്കറ്റുകളും, 2023-ൽ ₹2,99,500-യുടെ ടിക്കറ്റുകളും കെ.എസ്.ആർ.ടി.സി ബജറ്റ് ടൂറിസം സെൽ മുഖേന വിൽക്കുവാൻ കഴിഞ്ഞു. മുണ്ടക്കൈ ദുരന്തത്തിന് ശേഷം മാറ്റിവെക്കേണ്ടി വന്ന 2024-ലെ വള്ളംകളി ടിക്കറ്റ് വിൽപ്പന ₹1,16,500 നേടി. പ്രതീക്ഷിച്ചത്രയും നടന്നില്ല.
9846475874 എന്ന നമ്പറിലേക്ക് പേര്, ഏത് കാറ്റഗറിയിലുള്ള പാസ്, എത്ര പേർക്ക് എന്ന വിവരം വാട്ട്സ്ആപ്പ് സന്ദേശമായി അയച്ച് ആലപ്പുഴ ഡിപ്പോയിലെ ബജറ്റ് ടൂറിസം സെല്ലിന്റെ QR കോഡിലേക്ക് ഓൺലൈനായി പണമടച്ചാലും ടിക്കറ്റ് ലഭ്യമാക്കുന്നതാണ്. ഈ ടിക്കറ്റുകൾ വള്ളംകളി നടക്കുന്ന 2025 ഓഗസ്റ്റ് 30-ന് അല്ലെങ്കിൽ മുൻദിനം ആലപ്പുഴ കെ.എസ്.ആർ.ടി.സി ഡിപ്പോയിലെ സ്പെഷ്യൽ കൗണ്ടറിൽ നിന്ന് കൈപ്പറ്റി വള്ളംകളി കാണാൻ സാധിക്കും. ആലപ്പുഴ ജില്ല കൂടാതെ കോട്ടയം, എറണാകുളം, പത്തനംതിട്ട, കൊല്ലം, തിരുവനന്തപുരം ജില്ലകളിലെ സ്പെഷ്യൽ കൗണ്ടർ മുഖേനയും ജില്ലാ കോ-ഓർഡിനേറ്റർമാർ മുഖേനയും കെ.എസ്.ആർ.ടി.സി ബജറ്റ് ടൂറിസം സെൽ ടിക്കറ്റുകൾ വിൽക്കുന്നതാണ്.
കൂടുതൽ വിവരങ്ങൾക്ക് –
9846475874
ജില്ലാ കോ-ഓർഡിനേറ്റർ,
ബജറ്റ് ടൂറിസം സെൽ, ആലപ്പുഴ
