ഡൽഹി: അരുണാചൽ അതിർത്തിയിലെ സംഘർഷങ്ങൾക്കിടയിലും ചൈനയ്ക്ക് കേന്ദ്രസർക്കാർ തുടർച്ചയായി ഇളവുകൾ നൽകുന്നുവെന്ന് ജയറാം രമേശ്. യഥാർത്ഥ വിവരങ്ങൾ കേന്ദ്രം മറച്ചുവെക്കുകയാണ്. പ്രധാനമന്ത്രി ഇപ്പോഴും നിശ്ശബ്ദനെന്ന് ജയ് റാം രമേശ് പറഞ്ഞു. അതിർത്തിയിലെ നഗരങ്ങളുടെ പേര് മാറ്റലും 60,000 മെഗാവാട്ടിന്റെ അണക്കെട്ട് നിർമ്മാണവുമായി ചൈന മുന്നോട്ട് പോകുന്നു.
പീപ്പിൾസ് ലിബറേഷൻ ആർമിയുമായി (PLA) അടുത്തിടെയുണ്ടായ ഏറ്റുമുട്ടലുകളിൽ ഇൻഡോ-ടിബറ്റൻ ബോർഡർ പോലീസിന്റെ (ITBP) പ്രകടനത്തെ ആ സേനയുടെ ഡയറക്ടർ ജനറൽ പ്രശംസിച്ചത് അദ്ദേഹം ചൂണ്ടിക്കാട്ടി. എന്നാൽ, ഈ വിഷയത്തിൽ പ്രധാനമന്ത്രിയും അദ്ദേഹത്തിന്റെ ഭരണകൂടവും മൗനം പാലിക്കുകയാണെന്നും അദ്ദേഹം കുറ്റപ്പെടുത്തി.
“സ്വയം വിശ്വഗുരു എന്ന് വിശേഷിപ്പിക്കുന്നയാൾ ചൈനയ്ക്ക് മുന്നിൽ ആസൂത്രിതമായി വിട്ടുവീഴ്ചകൾ തുടരുമ്പോൾത്തന്നെ, അരുണാചൽ പ്രദേശിൽ പി.എൽ.എ (PLA)-യുമായി അടുത്തിടെയുണ്ടായ ഏറ്റുമുട്ടലുകളിൽ ഐ.ടി.ബി.പി (ITBP) കാഴ്ചവെച്ച പ്രകടനത്തെ അതിന്റെ ഡയറക്ടർ ജനറൽ (DG) പ്രശംസിച്ചിരിക്കുകയാണ്—അത് തികച്ചും അർഹമായ പ്രശംസയുമാണ്. എന്നാൽ, ഇക്കാര്യത്തിൽ പ്രധാനമന്ത്രിയും അദ്ദേഹത്തിന്റെ ഭരണകൂടവും അസാധാരണമായ മൗനം പാലിക്കുകയാണ്.
അരുണാചൽ പ്രദേശിലെ പട്ടണങ്ങളുടെ പേരുകൾ മാറ്റിയതിലും, അവിടെ 60,000 മെഗാവാട്ട് ശേഷിയുള്ള അണക്കെട്ട് നിർമ്മിക്കുന്നതിലും രമേഷ് ആശങ്ക പ്രകടിപ്പിച്ചു. ഇത് ഇന്ത്യയുടെ പാരിസ്ഥിതിക, ജല സുരക്ഷയ്ക്ക് ഭീഷണിയാണെന്നും അദ്ദേഹം മുന്നറിയിപ്പ് നൽകി.
അരുണാചൽ അതിർത്തിയിൽ സംഘർഷാവസ്ഥ നിലനിൽക്കുന്നുവെന്ന് ITBP മേധാവി ശത്രുജിത് കപൂർ വ്യക്തമാക്കിയിരുന്നു. ചൈനയുടെ പേരെടുത്ത് പറയാതെ ITBP ഡിജിയുടെ പരാമർശം. അരുണാചലിൽ പല സ്ഥലങ്ങളിൽ പ്രശ്നങ്ങളുണ്ടായി, ഇപ്പോഴും തുടരുന്നു. ഇന്ത്യ – ചൈന അതിർത്തി കാക്കുന്നത് ITBPയാണെന്നും അദ്ദേഹം പറഞ്ഞു.
