ജോണ് ബ്രിട്ടാസ് എംപിക്കെതിരെ ബിജെപി എം പി സുഷ്മിതാ ദേവ് നടത്തിയ ലുങ്കി വാല പരാമര്ശത്തില് കുലുങ്ങി രാജ്യസഭ. തനിക്ക് നേരെ നടത്തിയ പരാമര്ശം സിപിഐഎം അംഗം ജോണ് ബ്രിട്ടാസ് ആണ് വിഷയം സഭയില് ഉന്നയിച്ചത്. പരാമര്ശത്തില് പാര്ലമെന്റിന് പുറത്ത് കേരളത്തില് നിന്നുള്ള അംഗങ്ങള് പ്രതിഷേധിച്ചു. ( criticism in rajya sabha over bjp mp’s lungiwala remark against john brittas)
കഴിഞ്ഞ ദിവസം രാജ്യസഭയില് ജോണ് ബ്രിട്ടാസ് സംസാരിക്കുന്നതിനിടെ, ബിജെപി അംഗം സുഷ്മിത ദേബ് നടത്തിയ കമന്റിനെതിരെയാണ് വലിയ പ്രതിഷേധം ഉയര്ന്നത്. ബിജെപി അംഗം തുടര്ച്ചയായി അധിക്ഷേപിച്ചെന്നും മലയാളി എന്നതില് താന് അഭിമാനിക്കുന്നെന്നും ജോണ് ബ്രിട്ടാസ് പറഞ്ഞു. മറ്റ് അംഗങ്ങളുടെ വികാരത്തെ വ്രണപ്പെടുത്തരുതെന്നാണ് സുഷ്മിത ദേബിന് രാജ്യസഭാ ചെയര്മാന് സി പി രാധാകൃഷ്ണന്റെ മുന്നറിയിപ്പ്. ജോണ് ബ്രിട്ടാസിനെയും സുഷ്മിത ദേബിനേയും ചേംബറിലേക്ക് വിളിപ്പിച്ച് പ്രശ്നം പരിഹരിക്കുമെന്നും രാജ്യസഭാ അധ്യക്ഷന് പറഞ്ഞു.
അതേസമയം സഭയില് സുഷ്മിത ദേബിനെ സംസാരിക്കാന് അനുവദിക്കണം എന്നാവശ്യപ്പെട്ട് ഭരണപക്ഷവും രംഗത്തെത്തി. എന്നാല് ആവശ്യം ചെയര് അംഗീകരിച്ചില്ല. കേരളാ-തമിഴ്നാട് അംഗങ്ങള് മുണ്ട് ധരിച്ചാണ് ഇന്ന് സഭയിലെത്തിയത്. പാര്ലമെന്റ് പുറത്ത് കേരളത്തില് അംഗങ്ങള് പരാമര്ശത്തില് പ്രതിഷേധമുയര്ത്തി. അതസമയം, കമ്മ്യൂണിസ്റ്റുകള് ഭീരുക്കളെന്ന ധനമന്ത്രി നിര്മല സീതാരാമന്റെ പരാമര്ശം രാജ്യസഭാ രേഖകളില് നിന്ന് നീക്കി.
