ശബരിമല സ്വർണ്ണക്കൊള്ള,മുൻ ദേവസ്വം പ്രസിഡന്റ് എ പദ്മകുമാറിന്റെ അറസ്റ്റിൽ പ്രതികരിച്ച് വിദ്യാഭ്യാസമന്ത്രി വി ശിവൻകുട്ടി. ഉപ്പ് തിന്നവൻ വെള്ളം കുടിക്കുമെന്ന് മന്ത്രി വി ശിവൻകുട്ടി പറഞ്ഞു. പത്മകുമാർ തെറ്റ് ചെയ്തിട്ടുണ്ടെങ്കിൽ ശിക്ഷിക്കപ്പെടും. കുറ്റക്കാരനെന്ന് ഇപ്പോൾ പറയാൻ പറ്റില്ലെന്നും അന്വേഷണം നടക്കേട്ടയെന്നും അദ്ദേഹം വ്യക്തമാക്കി.
ഇടുക്കിയിൽ സ്കൂൾ വാഹനം കയറി കുട്ടി മരിച്ച സംഭവം, വിശദവിവരങ്ങൾ ലഭിച്ചിട്ടില്ല. വിവരങ്ങൾ ലഭിച്ചശേഷം തുടർനടപടി എടുക്കും. രാഷ്ട്രപതിയുടെ റഫറൻസിൽ സുപ്രീംകോടതി വിധി. കേരളാ ഗവർണർ അംഗീകാരം നൽകേണ്ട ബില്ലുകൾ ഉണ്ട്. വിധിയുടെ പശ്ചാത്തലത്തിൽ ഗവർണർ വേണ്ട നടപടി എടുക്കും എന്ന് പ്രതീക്ഷിക്കുന്നു. ഗവർണർ ബില്ലുകൾക്ക് അംഗീകാരം നൽകണമെന്നും മന്ത്രി ആവശ്യപ്പെട്ടു.
ഓപ്പറേഷൻ ബ്ലാക്ക് ബോർഡ്, വിഷയം കാണുന്നത് അതീവ ഗൗരവത്തോടെയാണ്. സർക്കാർ കർശനമായ നടപടികൾ സ്വീകരിക്കും. റിപ്പോർട്ടിൽ പരാമർശമുള്ള ഉദ്യോഗസ്ഥർക്കെതിരെ കർശന നടപടി. വിജിലൻസിന്റെ തുടർ പരിശോധനയ്ക്ക് എല്ലാ പിന്തുണയും നൽകും. വകുപ്പുതലത്തിൽ അടിയന്തര ആഭ്യന്തര അന്വേഷണ സമിതിയെ രൂപീകരിക്കും.
അഴിമതിക്ക് വടിവച്ച എല്ലാ ഫയലുകളും നടപടിക്രമങ്ങളും വിശദമായി പരിശോധിക്കും. പൊതുജനങ്ങളുമായി കൂടുതൽ ഇടപഴകുന്ന ഓഫീസുകളുടെ പ്രവർത്തനങ്ങൾ പൂർണമായും ഓൺലൈൻ സംവിധാനത്തിലേക്ക് മാറ്റും. അപേക്ഷകൾ വൈകിപ്പിക്കുന്ന തടയാൻ സമയപരിധി നിശ്ചയിച്ച് നടപടിക്രമങ്ങൾ പരിഷ്കരിക്കും. വിദ്യാഭ്യാസ വകുപ്പിൽ അഴിമതിക്ക് ഒരു സ്ഥാനവുമില്ല. അന്തിമ റിപ്പോർട്ടിൻ്റെ അടിസ്ഥാനത്തിൽ ശക്തമായ നടപടികൾ സ്വീകരിക്കുമെന്നും മന്ത്രി വ്യക്തമാക്കി.
