തവനൂരിൽ തൊവി സമ്മതിച്ച് കെ ടി ജലീൽ. ജനവിധി അംഗീകരിക്കുന്നു. വി.എസ് ജോയിക്ക് അഭിനന്ദനങ്ങൾ. തവനൂർകാരോട്‌ എന്നും സ്നേഹം മാത്രം. ഇടതുപക്ഷ ചേരിയിൽ ഉറച്ചു നിന്ന് കൂടുതൽ കരുത്തോടെ ജനങ്ങൾക്കൊപ്പമുണ്ടാകും കെ ടി ജലീൽ ഫേസ്ബുക്കിൽ കുറിച്ചു.
കഴിഞ്ഞ 15 വർഷമായി തവനൂരിൽ നിന്ന് മത്സരിച്ച് വിജയിച്ചയാളാണ് കെ ടി ജലീൽ. 2011 മുതൽ ഇടത് കോട്ടയായി തന്നെ നിലനിർ‍ത്തുന്ന മണ്ഡലം കൂടിയാണ് തവനൂർ. ന്യൂനപക്ഷ വോട്ടുകൾ ഭൂരിപക്ഷമുള്ള മേഖലയിൽ വി.എസ് ജോയിയെ കളത്തിലിറക്കി കോൺഗ്രസ് നടത്തിയ പുതിയ പരീക്ഷണം വിജയിച്ചിരിക്കുകയാണ്.
അതേസമയം, എൽഡിഎഫിന്റെ കോട്ടകൾ തകർത്തുകൊണ്ടാണ് യുഡിഎഫ് മുന്നേറ്റം. ആറാം ഘട്ട വോട്ടുകളും എണ്ണിക്കഴിയുമ്പോഴും ധർമ്മടത്ത് പിണറായി വിജയൻ പിന്നിൽ. വോട്ടെണ്ണലിന്റെ നാലാം റൗണ്ടിലും പിണറായി വിജയനെ പിന്നിലാക്കി യുഡിഎഫിന്റെ അബ്ദുള്‍ റഷീദ് ലീഡ് നില ഉയര്‍ത്തുകയാണ്. ഇന്ദിരാഭവനിൽ ഉൾപ്പടെ ആഘോഷ പ്രകടനങ്ങൾ ആരംഭിച്ചു.
