കോൺഗ്രസിൽ മുഖ്യമന്ത്രി ചർച്ചകൾ സജീവമായി തുടരുന്നു. ആരാണ് മുഖ്യമന്ത്രി ആവുക എന്ന ചോദ്യത്തിനു മറുചോദ്യവുമായി മുൻ മന്ത്രി കെ ബാബു. ആരാകും കേരളത്തിലെ പ്രതിപക്ഷ നേതാവ്?. മുഖ്യമന്ത്രിയെക്കുറിച്ച് മാത്രം ചർച്ച ചെയ്താൽ പോരല്ലോ. മുഖ്യമന്ത്രി ആരാകും എന്ന് മെയ് 4ന് ശേഷം ചർച്ച ചെയ്യാമെന്നും അദ്ദേഹം മറുപടി നൽകി. 10 കൊല്ലമായി തല്ലുവാങ്ങിയ കോൺഗ്രസ് പ്രവർത്തകർ ഉണ്ട്. അവർക്ക് ഈ ചർച്ചയോട് താല്പര്യം ഇല്ലെന്നും അദ്ദേഹം വ്യക്തമാക്കി.
മാറ്റം ആഗ്രഹിച്ചു വോട്ട് ചെയ്ത ജനങ്ങൾക്കും ഈ ചർച്ചയോട് താല്പര്യം ഇല്ല. മാധ്യമങ്ങളിലൂടെ ചർച്ച ആക്കുന്നത് താല്പര്യം ഇല്ല. കേന്ദ്ര നിരീക്ഷകർ എത്തി MLA മാരുടെ അഭിപ്രായം കേട്ട് ഡൽഹിയിൽ നിന്നുള്ള നേതൃത്വം തീരുമാനിക്കും. അതിൽ മാറ്റം ഉണ്ടാകും എന്ന് കരുതുന്നില്ല.തിരഞ്ഞെടുത്ത MLA ആയിരിക്കുമോ എന്ന ചോദ്യത്തിനു, കോൺഗ്രസുകാരൻ ആയിരിക്കും മുഖ്യമന്ത്രി എന്നും അദ്ദേഹം മറുപടി നൽകി.
കോണ്ഗ്രസിന്റെ മുഖ്യമന്ത്രി ആരെന്ന് ഹൈക്കമാൻഡ് തീരുമാനിക്കുമെന്നും അത് എല്ലാവരും അംഗീകരിക്കുമെന്നും കെപിസിസി പ്രസിഡന്റ് സണ്ണി ജോസഫ് പറഞ്ഞു. എംഎൽഎമാരിൽ നിന്ന് മുഖ്യമന്ത്രിയെ തെരഞ്ഞെടുക്കുന്നതാണ് പാര്ട്ടിയിൽ സാധാരണയുള്ള രീതിയെന്ന് മുന് കെപിസിസി അധ്യക്ഷൻ വി എം സുധീരൻ പ്രതികരിച്ചു.
