യൂണിഫോമിന്റെ പേരിൽ സഹപ്രവർത്തകരിൽ നിന്ന് പണം തട്ടിയ കേസിൽ പൊലീസുകാരനെതിരെ നടപടി. കെഎപി മൂന്നാം ബറ്റാലിയനിലെ പൊലീസ് ട്രെയിനി ശംഭു ആർ. കൃഷ്ണനെതിരെയാണ് നടപടി. ഇയാളെ പരിശീലനത്തിൽ നിന്ന് ഒഴിവാക്കി.
ഏഴ് ലക്ഷം രൂപയാണ് ഇയാൾ സഹപ്രവർത്തകരിൽ നിന്നും തട്ടിയെടുത്തത്. ക്യാമ്പിലെ യൂണിഫോം കമ്മിറ്റി അംഗമായിരുന്ന ശംഭുവിന്റെ അക്കൗണ്ടിലേക്കാണ് സഹപ്രവർത്തകർ തുക കൈമാറിയത്. എന്നാൽ ഈ പണം ഉപയോഗിച്ച് യൂണിഫോം വാങ്ങുന്നതിന് പകരം ഓൺലൈൻ ഗെയിമിങ് കളിച്ച് മുഴുവൻ തുകയും നഷ്ടപ്പെടുത്തുകയായിരുന്നു.
യൂണിഫോം ലഭിക്കാതായതോടെ സഹപ്രവർത്തകർ കാര്യം തിരക്കിയപ്പോഴാണ് പണം ഓൺലൈൻ ഗെയിമിംഗിൽ നഷ്ടപ്പെട്ട വിവരം ഇയാൾ വെളിപ്പെടുത്തുന്നത്. സഹപ്രവർത്തകരുടെ പരാതിയിൽ തിരുവനന്തപുരത്ത് പരിശീലനം നടക്കുകയായിരുന്ന ട്രെയിനിങ് ക്യാമ്പിൽ നിന്നുമാണ് പേരൂർക്കട പൊലീസ് ഇയാളെ കസ്റ്റഡിയിലെടുത്ത് അറസ്റ്റ് രേഖപ്പെടുത്തിയത്.
