ടോമിൻ തച്ചങ്കരിക്കെതിരെ പൊലീസ് നടപടിയില്ല. കോട്ടയം എസ്പി സംസ്ഥാന പൊലീസ് മേധാവിക്ക് റിപ്പോർട്ട് നൽകി. തച്ചങ്കരി നക്ഷത്ര ചിഹ്നം ഉപയോഗിച്ച് യാത്ര ചെയ്തിട്ടില്ല. ബോർഡ് മറച്ചു വെച്ചിരുന്നു. പാർക്കിങ് ലഭിക്കാൻ ഡ്രൈവർ ദുരുപയോഗം ചെയ്തെന്നും റിപ്പോർട്ട്. ഗതാഗതവകുപ്പ് പിഴ ചുമത്തിയതിനാൽ തുടർനടപടി വേണ്ടന്നും റിപ്പോർട്ടിൽ ചൂണ്ടിക്കാട്ടി.
പെറ്റി അടച്ച് കേസ് തീര്പ്പാക്കാനാണ് ശ്രമമെന്നാണ് റിപ്പോര്ട്ടുകള്. വിരമിച്ചിട്ടും സ്വകാര്യ വാഹനത്തില് ഔദ്യോഗിക മുദ്ര ഉപയോഗിച്ചതിന്, തച്ചങ്കരിക്കെതിരെ കേസെടുക്കാന് ഞായറാഴ്ചയാണ് ഡിജിപി നിര്ദേശം നല്കിയത്. സ്വകാര്യ വാഹനത്തില് നക്ഷത്രമുദ്ര വച്ച് ടോമിന് തച്ചങ്കരി യാത്ര ചെയ്യുന്നതിന്റെ ദൃശ്യങ്ങള് പുറത്തുവന്നത് വിവാദമായിരുന്നു.
ഒരു കേസുമായി ബന്ധപ്പെട്ട് കോട്ടയം കോടതിയിലെത്തിയപ്പോഴായിരുന്നു കാറില് നമ്പര് പ്ലേറ്റിന് സമീപം സ്ഥാപിച്ചിരുന്ന ഔദ്യോഗിക നക്ഷത്ര ചിഹ്നം മാധ്യമ ശ്രദ്ധയില്പ്പെട്ടത്.അതേസമയം വിരമിച്ചിട്ടും ഔദ്യോഗികമുദ്ര പതിപ്പിച്ച കാറില് സഞ്ചരിച്ച മുന് ഡിജിപി ടോമിന് ജെ തച്ചങ്കരിക്ക് ചെറിയ തുക പിഴയിട്ട് മോട്ടോര് വാഹനവകുപ്പ്. 250 രൂപയാണ് മോട്ടോര് വാഹന വകുപ്പ് തച്ചങ്കരിക്ക് പിഴയിട്ടത്. പിഴ ഇന്നലെത്തന്നെ ടോമിന് തച്ചങ്കരി അടച്ചു. അതേസമയം എഫ്ഐആര് ഇട്ട് കേസെടുക്കാനുള്ള സംസ്ഥാന പൊലീസ് മേധാവിയുടെ നിര്ദേശം നടപ്പാക്കിയിട്ടില്ല.
