തമിഴ്‌നാട്ടില്‍ പ്രകടന പത്രിക പുറത്തിറക്കി ബിജെപി. താമരൈ വാക്കുരുതി എന്ന പേരിലാണ് പത്രിക. പ്രതിമാസം സ്ത്രീകള്‍ക്ക് 2000 രൂപയാണ് പ്രകടനപത്രികയിലെ പ്രധാന വാഗ്ദാനം. പ്രതിവര്‍ഷം മൂന്ന് പാചക വാതക സിലിണ്ടറുകള്‍, കുറ്റകൃത്യങ്ങളില്ലാത്ത സംസ്ഥാനമാക്കി തമിഴ് നാടിനെ മാറ്റും, സ്ത്രീകളുടെ സ്വയം സഹായ സംഘങ്ങള്‍ക്ക് 50 ലക്ഷം രൂപവരെ പലിശരഹിത വായ്പ, കര്‍ഷകര്‍ക്ക് പ്രതിവര്‍ഷം 9000 രൂപ നല്‍കും, ട്രോളിങ് നിരോധന സമയത്ത് മത്സ്യതൊഴിലാളികള്‍ക്കുള്ള സഹായം 8000 രൂപയാക്കും എന്നിങ്ങനെയാണ് മറ്റ് വാഗ്ദാനങ്ങള്‍. കേന്ദ്രമന്ത്രി ജെ പി നദ്ദയാണ് പ്രകടന പത്രിക പുറത്തിറക്കിയത്.
ഓരോ സ്ഥാനാര്‍ഥികളും പ്രചാരണത്തിന്റെ അവസാന ലാപ്പിലാണ്. വീടുകള്‍ കയറിയുള്ള വോട്ടഭ്യര്‍ഥനയിലായിരുന്നു ചെന്നൈ സെയ്താപേട്ട മണ്ഡലത്തിലെ ഡിഎംകെ സ്ഥാനാര്‍ഥിയും ആരോഗ്യമന്ത്രിയുമായ മാ സുബ്രഹ്‌മണ്യം. ഡിഎംകെ മുന്നണി ശക്തിയോടെ മുന്നോട്ടുപോകുമെന്ന് മാ സുബ്രഹ്‌മണ്യം ട്വന്റിഫോറിനോട് പറഞ്ഞു. വിജയ് ഫാക്ടര്‍ ജനങ്ങള്‍ തീരുമാനി്ക്കുമെന്ന് മാ സുബ്രഹ്‌മണ്യം വ്യക്തമാക്കി.
പ്രധാനമന്ത്രി നരേന്ദ്രമോദി നാളെ നാഗര്‍കോവിലില്‍ പര്യടനം നടത്തും. ടിവികെ അധ്യക്ഷന്‍ വിജയുടെ റോഡ് ഷോ അല്‍പസമയത്തിനകം തിരുപ്പൂരില്‍ ആരംഭിക്കും.
