വീണ്ടും വിപണിയെ ഞെട്ടിച്ച് മഹീന്ദ്രയുടെ BE 6 ബാറ്റ്മാന് എഡിഷന്. ഈ ഘട്ടത്തിലും 999 യൂണിറ്റുകൾ മാത്രം ലഭ്യമാക്കിയ BE 6 ബാറ്റ്മാൻ എഡിഷൻ 7 മിനിറ്റിലാണ് വിറ്റഴിഞ്ഞിരിക്കുന്നത്. 28.49 ലക്ഷം രൂപയാണ് ഈ ഇലക്ട്രിക് എസ്യുവിയുടെ രണ്ടാം വരവിലെ വില. ഇന്നലെയാണ് വാഹനത്തിന്റെ ബുക്കിങ് ആരംഭിച്ചു. വാഹനത്തിന്റെ വിതരണം ഏപ്രിൽ 10 മുതൽ ആരംഭിക്കുമെന്നാണ് മഹീന്ദ്ര ആൻഡ് മഹീന്ദ്ര അറിയിച്ചിരിക്കുന്നത്.
ആദ്യം ഇറക്കിയ BE 6 ബാറ്റ്മാന് എഡിഷന് നിമിഷം നേരം കൊണ്ട് വിറ്റുപോയിരുന്നു. 2 മിനിറ്റ് 15 സെക്കന്ഡ് സമയം കൊണ്ട് നിശ്ചിത എഡിഷൻ വിറ്റു പോയത്. ക്രിസ്റ്റഫർ നോളന്റെ ദി ഡാർക്ക് നൈറ്റ് ട്രൈലോജിയിൽ നിന്ന് പ്രചോദനം ഉൾക്കൊണ്ടാണ് വാഹനം അവതരിപ്പിച്ചത്. രണ്ടാം എഡിഷന്റെ വരവിൽ 24 മണിക്കൂർ മാത്രമായിരിക്കും ബുക്കിങ് സംവിധാനം നിലനിൽക്കൂവെന്ന് കമ്പനി അറിയിച്ചു. ബുക്കിങ് ലഭിക്കുന്നതനുസരിച്ചാകും പ്രോഡക്ട് യുണീറ്റ് പുറത്തിറക്കുക.
ഏപ്രിൽ 20 മുതൽ വാഹനത്തിന്റെ വിതരണവും ആരംഭിക്കുമെന്ന് കമ്പനി അറിയിച്ചിട്ടുണ്ട്. ആദ്യം എത്തിയ ബാറ്റ്മാൻ എഡിഷൻ 999 യുണീറ്റുകൾ മാത്രമായിരുന്നു പുറത്തിറക്കിയിരുന്നത്. ഇത് നിമിഷ നേരം കൊണ്ട് വിറ്റുപോവുകയും ചെയ്തിരുന്നു. ഉപഭോക്താക്കളുടെ ആവശ്യപ്രകാരമാണ് വീണ്ടും ഈ എഡിഷനെ വിപണിയിലേക്ക് എത്തിക്കുന്നത്.
