അയോധ്യ സംഭാവന കൊള്ളയില് അന്തിമ റിപ്പോര്ട്ട് സമര്പ്പിക്കാന് സമയം നീട്ടി ആവശ്യപ്പെട്ട് എസ്ഐടി. റിപ്പോര്ട്ട് നല്കാനുള്ള സമയപരിധി ഇന്ന് അവസാനിക്കവേയാണ് നീക്കം.
അയോധ്യ സംഭാവന കൊള്ളയില് അന്വേഷണം പൂര്ത്തിയാക്കാന് സമയം നീട്ടി നല്കണമെന്നാണ് എസ്ഐടി ആവശ്യം. നേരത്തെ 15 ദിവസം ഉത്തര്പ്രദേശ് സര്ക്കാര് നീട്ടി നല്കിയിരുന്നു. അതിനിടെ കേസില് ഉള്പ്പെട്ട മുന് ഭാരവാഹികള്ക്കെതിരെ ക്ഷേത്ര ട്രസ്റ്റ് നടപടികള് കടുപ്പിച്ചു. ചമ്പത് റായ്, അനില് മിശ്ര എന്നിവരുടെ വിഐപി പാസുകളും തിരിച്ചറിയല് കാര്ഡുകളും ബ്ലോക്ക് ചെയ്തു. ശ്രീരാമക്ഷേത്രത്തിന്റെ വെബ്സൈറ്റില് നിന്നും ഇവരുടെ പേരുകളും നീക്കിയിട്ടുണ്ട്.
അതേസമയം, അയോധ്യ ക്ഷേത്രം സിഇഒ ആകാന് മുന് ഐഎഎസ്, ഐപിഎസ് ഉദ്യോഗസ്ഥര് അടക്കം ആയിരത്തിലേറെ പേരാണ് ഇതിനോടകം അപേക്ഷിച്ചത്. ഇക്കാര്യത്തില് തീരുമാനമെടുക്കാന് മൂന്നംഗ കമ്മിറ്റി അടുത്ത ഞായറാഴ്ച യോഗം ചേരും.
അതിനിടെ, 14 കോടിയുടെ മോഷണം ക്ഷേത്രത്തില് നടന്നിട്ടില്ല എന്നാണ് ട്രസ്റ്റ് ട്രഷറര് സ്വാമി ഗോവിന്ദ് ദേവ് ഗിരിയുടെ വാദം. ഇതിനിടെ, ഗുജറാത്തിലെ അംബാജി ക്ഷേത്രത്തില് നടന്ന മോഷണശ്രമത്തിന്റെ സിസിടിവി ദൃശ്യങ്ങള് പുറത്തു വന്നുവന്നതോടെ വിശദീകരണവുമായി ജില്ലാ ഭരണകൂടം രംഗത്ത് എത്തി .സംഭാവന എണ്ണുന്നതിനിടെ പണം മോഷ്ടിക്കാന് ശ്രമിച്ച മൂന്ന് ജീവനക്കാരെ അറസ്റ്റ് ചെയ്തിട്ടുണ്ട് എന്നാണ് വിശദീകരണം.
