ദയാവധത്തിൽ നയം നടപ്പാക്കി കർണാടക സർക്കാർ. രോഗമുക്തി ഉണ്ടാകില്ലെന്നുറപ്പുള്ള രോഗികൾക്ക് ദയാവധത്തിനായി കോടതിയിൽ അനുമതി തേടാം. 2023ലെ സുപ്രീംകോടതി വിധി പ്രകാരമാണ് പുതിയ നയം. ഭാവിയിൽ ഇത്തരത്തിൽ കിടപ്പിലായാൽ എന്ത് ചെയ്യണമെന്നതിൽ മുൻകൂട്ടി മെഡിക്കൽ വിൽപ്പത്രവും വ്യക്തികൾക്ക് തയ്യാറാക്കി വയ്ക്കാം.
രോഗികൾ സുഖം പ്രാപിക്കുമെന്ന് പ്രതീക്ഷയില്ലാത്ത നിരവധി മെഡിക്കൽ പ്രൊഫഷണലുകളുടെയും പാലിയേറ്റീവ് കെയറിലെ വിദഗ്ധരുടെയും വിലയിരുത്തലിന്റെ അടിസ്ഥാനത്തിലാണ് ദയാവധത്തിൽ നയം നടപ്പാക്കിയത്. പുരോഗമനപരമായ നീക്കമാണിതെന്ന് കർണാടക ആരോഗ്യ മന്ത്രി ദിനേഷ് ഗുണ്ടു റാവു പറഞ്ഞു. , ഇത് രോഗികൾക്കും അവരുടെ കുടുംബങ്ങൾക്കും ആശ്വാസം പകരുമെന്ന് അദ്ദേഹം പറഞ്ഞു.
“രോഗികൾക്ക് ആശയവിനിമയം നടത്താൻ കഴിയാത്ത അവസ്ഥയിൽ കിടക്കുന്നത് എത്ര ഹൃദയഭേദകമാണെന്ന് കെയർ സ്പെഷ്യലിസ്റ്റുകളും കോടതികളും ഞങ്ങളോട് പറഞ്ഞിട്ടുണ്ട്, അവരുടെ കുടുംബങ്ങൾ തീരുമാനമെടുക്കാൻ പാടുപെടുമ്പോൾ, അവരുടെ പ്രിയപ്പെട്ടയാൾ അഗാധമായി കഷ്ടപ്പെടുന്നത് കാണുമ്പോൾ, വൈദ്യസഹായത്തിന് സഹായിക്കാൻ കഴിയാതെ, അത്തരം രോഗികളുടെ കുടുംബങ്ങൾ പലപ്പോഴും കുറ്റബോധത്തിലാകും” റാവു വിശദീകരിച്ചു.
ലോകമെമ്പാടുമുള്ള പല രാജ്യങ്ങളും ഈ രീതി സ്വീകരിച്ചിട്ടുണ്ടെന്നും സുപ്രീം കോടതിയുടെ നിർദ്ദേശപ്രകാരം അന്തസ്സോടെ മരിക്കാനുള്ള അവകാശത്തിന് കർണാടക വഴിയൊരുക്കിയെന്നും ആരോഗ്യമന്ത്രി പറഞ്ഞു. 2023 ജനുവരി 24-നാണ് സുപ്രീം കോടതി ദയാവധം സംബന്ധിച്ച് ഒരു ഉത്തരവിൽ പരാമർശം നടത്തിയത്.
