പൂർണ്ണമായും വരണ്ട് ഉണങ്ങി തറ വെടിച്ച്കീറി പൊട്ടി അടരുന്ന അവസ്ഥയിലാണ് ഈ അണക്കെട്ട് സംസ്ഥാനത്തെ ഏറ്റവും വലിയ റെക്കോർഡ് ചൂടുമായി പുനലൂർ മുന്നേറുമ്പോൾ തൊട്ടടുത്ത സംസ്ഥാനത്തെ സ്ഥിതിയും മറിച്ചല്ല. തമിഴ്നാടുമായി ചേർന്ന് കിടക്കുന്ന അതിർത്തി പ്രദേശമായ പുനലൂരിൽ 40 ഡിഗ്രി സെൽഷ്യസിൽ പുറത്ത് ചൂട് അനുഭവപ്പെട്ട് സമസ്ത മേഖലകളിലും ദുരിതം വിതയ്ക്കുമ്പോൾ പുനലൂരിനോട് ചേർന്ന് കിടക്കുന്ന ചെങ്കോട്ടയുടെ സ്ഥിതിയും മറിച്ചല്ല.
തമിഴ്നാടിന്റെ കാർഷിക ഭൂപടത്തിൽ തന്നെ പ്രധാന പങ്കുവയ്ക്കുകയും സഞ്ചാരികളെ ഏറെ ആകർഷിക്കുകയും ചെയ്തിരുന്ന ചെക്കോട്ടയിലെ ഗുണ്ടരു ഡാമിന്റെ സ്ഥിതി ഇപ്പോൾ ഇതാണ്.
പൂർണ്ണമായും വരണ്ട് ഉണങ്ങി തറ വെടിച്ച്കീറി പൊട്ടി അടരുന്ന അവസ്ഥയിലാണ് ഈ അണക്കെട്ട്. സന്ദർശകരുമായി ബോട്ട് പൊയ്ക്കൊണ്ടിരുന്ന സ്ഥലത്തു കൂടി ഇന്ന് നടന്നു നീങ്ങാം. ഡാമിന് മധ്യത്തിലായാണ് ബോട്ട് സൂക്ഷിച്ചിരിക്കുന്നത്.
തമിഴ്നാടിന്റെ സ്ഥിതി അറിയാതെ കേരളത്തിലെ ചൂടിൽ നിന്നും അല്പം ശാന്തിക്കായി തമിഴ്നാട്ടിലെ ജലാശയങ്ങൾ തേടി എത്തുന്ന സഞ്ചാരികൾക്കും നിരാശയാണ് ഫലം.
