കാനഡയുമായുള്ള സാമ്പത്തിക ബന്ധം കൂടുതൽ ശക്തമാക്കാൻ ഇന്ത്യ. ഇരു രാജ്യങ്ങളും തമ്മിൽ സ്വതന്ത്ര വ്യാപാര കരാർ ഈ വർഷം ഉണ്ടാകുമെന്ന് പ്രധാനമന്ത്രി നരേന്ദ്രമോദി. 2.6 ബില്യൺ ഡോളറിന്റെ യുറേനിയം കരാറിലും ഇരുരാജ്യങ്ങളും ഒപ്പുവെച്ചു. കരാർ മൻമോഹൻ സിംഗ് സർക്കാരിന്റെ ദീർഘ വീക്ഷണത്തിന്റെ ഫലമെന്ന് കോൺഗ്രസ് വ്യക്തമാക്കി.
കനേഡിയൻ പ്രധാനമന്ത്രി മാർക്ക് കാർണിയുടെ ഇന്ത്യൻ സന്ദർശനത്തിലാണ് രാഷ്ട്രീയ തർക്കങ്ങൾ പരിഹരിക്കുകയും സാമ്പത്തിക ബന്ധം കൂടുതൽ ശക്തമാക്കാനുമുള്ള രാജ്യങ്ങളുടെ തീരുമാനം.ഇതിന്റെ ഭാഗമായി ഈ വർഷം അവസാനത്തോടെ ഇന്ത്യയും കാനഡയും സ്വതന്ത്ര വ്യാപാര കരാറിൽ ഒപ്പുവെക്കും.
ആണവ റിയാക്ടറുകളുടെ നിർമ്മാണത്തിൽ ഇരു രാജ്യങ്ങളും സഹകരിക്കും. ഇതിന് പുറമെ ക്ലീൻ എനർജി, ധാതുക്കൾ, കൃഷി തുടങ്ങിയ മേഖലകളിൽ സഹകരണം വർദ്ധിപ്പിക്കാൻ ഇന്ത്യയും കാനഡയും തീരുമാനിച്ചു.ഡൽഹയിൽ എത്തിയ മാർക്ക് കാർണി പ്രധാനമന്ത്രി നരേന്ദ്രമോദിയുമായും , വിദേശകാര്യ മന്ത്രി എസ് ജയ് ജയശങ്കരുമായും കൂടിക്കാഴ്ച നടത്തി.
