എല്ഡിഎഫിന് ഭരണ തുടര്ച്ച ഉണ്ടാകുമെന്ന് സിപിഐഎം ജനറല് സെക്രട്ടറി എം എ ബേബി. അഞ്ച് വര്ഷം മുമ്പ് ഭൂരിപക്ഷം എക്സിറ്റ് പോളുകളും ഭരണ തുടര്ച്ച പറഞ്ഞിരുന്നു. പ്രവചിച്ചതിനേക്കാള് കൂടുതല് സീറ്റ് അന്ന് കിട്ടി. ഇപ്പോള് പ്രവചിച്ചതിനേക്കാള് കൂടുതല് സീറ്റുകള് എല്ഡിഎഫിന് ലഭിക്കുമെന്നും ഭരണവിരുദ്ധ വികാരമില്ലെന്നും എം എ ബേബി പറഞ്ഞു.
എക്സിറ്റ് പോള് വരാന് പോകുന്ന തിരഞ്ഞെടുപ്പ് ഫലത്തിന്റെ അടുത്തെത്തിയിട്ടുള്ള സന്ദര്ഭങ്ങളുണ്ട്. അങ്ങനെ അടുത്തെത്താത്ത സന്ദര്ഭങ്ങളുമുണ്ട്. ഇത്തവണ, മിക്കവാറും കേരളത്തെ സംബന്ധിച്ച് എക്സിറ്റ് പോളുകളില് നിന്നെല്ലാം വ്യത്യസ്തമായ ഫലങ്ങളുണ്ടാകും. ഇടതുപക്ഷ ജനാധിപത്യ മുന്നണിക്കനുകൂലമായ വിധിയാകും. എല്ഡിഎഫ് പ്രവര്ത്തകരുടെ വിചാരത്തില് ഉറച്ച് നില്ക്കുകയാണ് – അദ്ദേഹം പറഞ്ഞു.
തിരഞ്ഞെടുപ്പ് ഫലം അവലോകനം ചെയ്യാന് സിപിഐഎം പൊളിറ്റ് ബ്യൂറോ യോഗം വിളിച്ചു. ഈ മാസം 10 , 11 തീയതികളിലാണ് യോഗം. ഈ മാസം ആറിന് സിപിഐഎം സംസ്ഥാന സെക്രട്ടറിയേറ്റും ചേരും.
