നല്ല ക്രഞ്ചി ഭക്ഷണങ്ങൾ കഴിക്കാൻ ഇഷ്ടപ്പെടാത്തവരായി ആരുമുണ്ടാകില്ല. അത് കഴിക്കുമ്പോൾ ഉണ്ടാകുന്ന ശബ്ദമാണ് നമ്മളെ കൂടുതൽ ആകർഷിക്കുന്നത്. സ്വാദ് അൽപ്പം കുറവാണെങ്കിലും നമ്മൾ അത് ആസ്വദിച്ച് കഴിക്കും എന്നാൽ അതേ സംതൃപ്തി ഒരു ചോക്ലേറ്റ് കഴിക്കുമ്പോൾ ലഭിക്കുന്നില്ല എന്നത് മറ്റൊരു സത്യം.
ഫ്ലേവർ ജേർണൽ പ്രസിദ്ധീകരിച്ച ഈറ്റിങ് വിത്ത് അവർ ഈയേഴ്സ് (Eating With Our Ears ) എന്ന പഠനത്തിൽ ശബ്ദം എങ്ങനെ ഭക്ഷണത്തോടുള്ള നമ്മുടെ താല്പര്യത്തെ നിർണയിക്കുന്നു എന്ന് കണ്ടെത്തി. ക്രഞ്ചി സ്നാക്സുകൾ കഴിക്കുമ്പോഴുണ്ടാകുന്ന ശബ്ദത്തിന്റെ വോള്യവും ഫ്രീക്വൻസിയും നമ്മുടെ മൈന്റിൽ ഇത് കൂടുതൽ ഫ്രഷും ,രുചികരവുമാണെന്ന ചിന്ത അത് കഴിക്കാനായി കൊതി ഉണ്ടാക്കുന്നു. ഇത്തരത്തിൽ ക്രിസ്പ്പിയും ക്രഞ്ചിയുമായ ഭക്ഷണങ്ങളോടുള്ളത് കേവലം താല്പര്യം മാത്രമല്ലെന്നും ഇതിന് മനഃശാസ്ത്രപരമായ അടിസ്ഥാനമുണ്ടെന്നും പഠനത്തിൽ പറയുന്നു. സോഫ്റ്റും രുചിയുള്ളതും ഏറെ ഗുണങ്ങളുള്ളതുമായ ഭക്ഷ്യ വസ്തുക്കൾ നമുക്ക് അപ്രിയമാകുന്നതും ഇത് കൊണ്ടാണ്. ചിലപ്പോൾ അവയ്ക്ക് എത്ര രുചി ഉണ്ടെങ്കിലും കഴിക്കുമ്പോൾ നമുക്ക് അത് അനുഭവപ്പെടില്ല. ഇത് കറുമുറു ഭക്ഷണങ്ങൾ കഴിക്കാൻ പ്രേരിപ്പിക്കുന്നു.
പച്ചക്കറികളും ,പഴവർഗ്ഗങ്ങളും കഴിക്കുമ്പോൾ കറുമുറു ശബ്ദമുണ്ടാകുന്നത് ഫ്രഷ് ആയതിനാലാണെന്നാണ് പൂർവികർ കരുതിയിരുന്നത് . അത് തന്നെയാകാം ഇപ്പോൾ ഈ ക്രഞ്ചി ഭക്ഷണങ്ങൾ കഴിക്കുമ്പോഴും നമുക്ക് മികച്ചതും ക്വാളിറ്റി ഉള്ളതുമായി തോന്നുന്നതെന്ന് പഠനത്തിൽ കണ്ടെത്തി.
ഇതേ തന്ത്രമാണ് ഇന്നത്തെ സ്നാക്ക്സ് കമ്പനികളും മാർക്കറ്റിൽ പയറ്റുന്നത്. ചവയ്ക്കാൻ ബുദ്ധിമുട്ടില്ലാത്ത രീതിയിൽ ഇവർ നിർമ്മിച്ചെടുക്കുന്ന ഈ സ്നാക്ക്സുകൾക്ക് ആരാധകർ ഏറെയാണ്. പാക്കേജിങ്ങ് പോലും അവർ ശബ്ദത്തെ അടിസ്ഥാനമാക്കിയാണ് മനസ്സിൽ ഡിസൈൻ ചെയ്യുന്നത്. തുറക്കുമ്പോഴുള്ള ശബ്ദം ,അതിന്റെ ഫ്ലേവർ രുചി എന്നിവയെല്ലാം ശരീരം സെൻസ് ചെയ്യുകയും ഭക്ഷണത്തോടുള്ള ആസക്തി വർധിപ്പിക്കുകയും ചെയ്യും. യാത്രകൾ പോകുമ്പോഴും പഠിക്കുമ്പോഴുമെല്ലാം കൂടുതലായി എല്ലാവരും തിരഞ്ഞെടുക്കുന്നതും ഈ ക്രിസ്പി സ്നാക്സുകളെയാണ്. ഒരിക്കൽ ശീലിച്ചുകഴിഞ്ഞാൽ, ഈ ശബ്ദത്തിന് നമ്മൾ അടിമപ്പെടുകയും അത് പിന്നീട് ആശ്വാസവും ആനന്ദവുമായി മാറുകയും ചെയ്യും. ഒരു സ്ട്രെസ് റിലീഫ് ആയി പോലും പലപ്പോഴും ആളുകൾ ഈ സ്നാക്സുകളെ കാണുന്നത്.
