തവനൂരിൽ മികച്ച ഭൂരിപക്ഷത്തിൽ വിജയിക്കുമെന്ന് കെ ടി ജലീൽ. സമസ്ത എപി വിഭാഗത്തിന്റെ വോട്ട് ഇടതു പക്ഷേത്തിന് ലഭിച്ചിട്ടുണ്ട്. AP സമസ്ത പൂർണമായും ഇടതുപക്ഷത്തിന് പിന്തുണ പ്രഖ്യാപിക്കുന്ന സാഹചര്യം ഉണ്ടായിട്ടുണ്ട്. സമസ്തയിലെ ലീഗ് വിരുദ്ധ ഭാഗം സംഘടനയിൽ മേൽകൈ നേടിയിട്ടുണ്ട്.
അവർക്ക് അവരുടെ താൽപര്യത്തിന് അനുസരിച്ച് പ്രവർത്തിക്കാനുള്ള അവസരം കിട്ടി. അതും ഇടതുപക്ഷത്തിന് അനുകൂലമായി കിട്ടി. താനൂരിലും വേങ്ങരയിലും വലിയ മത്സരം കാഴ്ച വെക്കാൻ ഇടതുപക്ഷത്തിന് സാധിച്ചുവെന്നും കെ ടി ജലീൽ പറഞ്ഞു.
സമസ്തയിലെ ലീഗ് വിരുദ്ധ വിഭാഗത്തിൻ്റെയും, കാന്തപുരം സമസ്തയുടെയും വോട്ടുകൾ ഇടതിന് കിട്ടി. പോളിംഗ് ശതമാനത്തിലെ വർദ്ധനവ് യുഡിഎഫ് തരംഗത്തിന്റെ ഭാഗമല്ല. പോളിംഗ് ശതമാനത്തിലെ വർദ്ധനവ് ഇടതുപക്ഷത്തിനു വിരുദ്ധമാണെന്ന് കരുതുന്നത് അബദ്ധമെന്നും കെ ടി ജലീൽ വ്യക്തമാക്കി.
സർക്കാർ വിരുദ്ധ വികാരമുണ്ട് എന്ന് പറയുന്നവർ പോലും എന്താണ് വിരുദ്ധത എന്ന് പറയുന്നില്ല, കേരളത്തിൽ ഇടതുമുന്നണി അധികാരത്തിൽ വരും സർക്കാരിന് എതിരായി പറയാൻ ഒരു കാരണവുമില്ലെന്നും കെ ടി ജലീൽ പറഞ്ഞു. പോളിങ് വർധനവിനെക്കുറിച്ചുള്ള പ്രതിപക്ഷ നേതാവിൻ്റെ നീരീക്ഷണം തെറ്റാണ്, എസ് ഐ ആർ ഒരുഘടകമാണ്,പോളിങ് ശതമാനത്തിൻ്റെ അടിസ്ഥാനത്തിലാണ് ആവേശമെങ്കിൽ അവർ ട്രാപ്പിലാണെന്നും അദ്ദേഹം വ്യക്തമാക്കി.
