അതേ സമയം വമ്പൻ ഹിറ്റിലേക്ക് കുതിക്കുകയാണ് ധനുഷ് ചിത്രം രായൻ. ധനുഷ് നായകനായ രായൻ മൂന്ന് ദിവസത്തിനുള്ളില്‍ നിര്‍ണായ നേട്ടമുണ്ടാക്കിയിരിക്കുകയാണ്.
ധനുഷ് ചിത്ര ‘രായനെ’പ്രശംസിച്ച് തെലുങ്ക് സൂപ്പർ സ്റ്റാർ മഹേഷ് ബാബു. അടുത്തിടെ രായന് കാണുകയുണ്ടായെന്നും ചിത്രം മികച്ച രീതിയിൽ സംവിധാനം ചെയ്യുകയും അവതരിപ്പിക്കുകയും ചെയ്തിട്ടുണ്ടെന്നും അഭിനന്ദിച്ചു . നിർബന്ധമായും കാണേണ്ട ചിത്രം എന്നാണ് മാഹേഷ് ബാബു ചിത്രത്തെ വിശേഷിപ്പിച്ചത്. ചിത്രത്തിലെ മുഴുവൻ അഭിനേതാക്കളെയും അഭിനന്ദിച്ച മഹേഷ് ബാബു ചിത്രത്തിന്‍റെ സംഗീതസംവിധായകൻ എആർ റഹ്മാനെ പ്രശംസിക്കുകയും അദ്ദേഹത്തിന്‍റെ ചിത്രത്തിലെ സംഗീതം ‘ഇലക്ട്രിഫെയിംഗ്’ എന്ന് വിളിക്കുകയും ചെയ്തു. ജൂലൈ 29 ന് മഹേഷ് ബാബു തൻ്റെ ഔദ്യോഗിക എക്‌സ് അക്കൗണ്ടിൽ ചിത്രം കാണുകയും ടീമിനെ അഭിനന്ദിക്കുകയും ചെയ്തത്.
അതേ സമയം വമ്പൻ ഹിറ്റിലേക്ക് കുതിക്കുകയാണ് ധനുഷ് ചിത്രം രായൻ. ധനുഷ് നായകനായ രായൻ മൂന്ന് ദിവസത്തിനുള്ളില്‍ നിര്‍ണായ നേട്ടമുണ്ടാക്കിയിരിക്കുകയാണ്. രായന്റെ കുതിപ്പില്‍ തമിഴകത്തിനും പ്രതീക്ഷകളാണ്. ഇതിനകം ആഗോളതലത്തില്‍ രായൻ 70 കോടി ക്ലബിലെത്തി എന്നാണ് ബോക്സ് ഓഫീസ് കളക്ഷൻ റിപ്പോര്‍ട്ടുകള്‍.
ധനുഷ് രായൻ എന്ന ടൈറ്റില്‍ കഥാപാത്രത്തെ അവതരിപ്പിച്ച് പ്രേക്ഷകരെ അക്ഷരാര്‍ഥത്തില്‍ ഞെട്ടിച്ചിരിക്കുകയാണ്. സംവിധാനവും നിര്‍വഹിച്ചിരിക്കുന്ന് ധനുഷ് തന്നെയാണ്. ഛായാഗ്രാഹണം ഓം പ്രകാശാണ് നിര്‍വഹിച്ചിരിക്കുന്നത്. ധനുഷ് നായകനായ രായന്റെ സംഗീത സംവിധാനം എ ആര്‍ റഹ്‍മാനാണ് നിര്‍വഹിച്ചിരിക്കുന്നത്.
മലയാളത്തില്‍ നിന്ന് അപര്‍ണയ്‍ക്ക് പുറമേ ചിത്രത്തില്‍ നിത്യ മേനൻ, കാളിദാസ് ജയറാം എന്നിവരും എത്തുമ്പോള്‍ ധനുഷ് സംവിധായകനായ രായനില്‍ മറ്റ് പ്രധാന താരങ്ങള്‍ സുന്ദീപ് കിഷൻ, വരലക്ഷ്‍മി ശരത്‍കുമാര്‍, ദുഷ്‍റ വിജയൻ. എസ് ജെ സൂര്യ, പ്രകാശ് രാജ്, സെല്‍വരാഘവൻ എന്നിവരാണ്. രായനിലെ ധനുഷ് അവതരിപ്പിക്കുന്ന നായക കഥാപാത്രം ഒരു കുക്കാണ് എന്ന് റിപ്പോര്‍ട്ടുകളുണ്ടായിരുന്നു. എന്നാല്‍ മുമ്പ് അധോലോക നായകനുമാണ് കഥാപാത്രം എന്നാണ് റിപ്പോര്‍ട്ടുകളില്‍ നിന്ന് വ്യക്തമാകുന്നത്. എസ് ജെ സൂര്യയാണ് ധനുഷിന്റെ ചിത്രത്തില്‍ പ്രതിനായകനായി എത്തുന്നത് എന്നതും ആകര്‍ഷണീയമാണ്.
